Le nima nan patanel Devora Emperatris Meza Orellana, Cuarta Viceministra rech ri Ministerio de Gobernación, eri are ajno’jchakunel k’o nim reta’mab’al pa le ub’anikil no’jb’anikilem rumal ri’ xkub’ kik’u’x ri q’atb’altzij chi rij rech xkikoj che k’amal b’e rech ri Viceministerio rech Tecnologìas.
“Qeta’m che we kamik rumal kamik ri’, pa ronojel ri q’axanik b’anoj ri’ are sib’alaj rajawaxik kaqakojo ri no’jb’anemalil ri’ rech utoq’ixik ri chakunem kab’anik rech k’o utz ri kachakux ri’, ri in pa nab’e mul xinok pa le Ministerio ri’, pa marzo rech ri 2013 rech ya’el tob’anem pa taq le chakunem xb’anik k’u pa le utikik ri’, xuquje’ xinok chik chi’ pa jumul chik rech kink’am ub’e ri’”, xcha’ ri Meza Orellana ri’.
Sib’alaj rajawaxik b’a’ kaqatzijoj ri e oxib’ achijab’ ri xek’oji che Viceministro, eri are ri’ le nab’e ixoq xok pa le upatan ri’ rumal k’o nim reta’mab’al ri’, rumal xutijoj rib’ rech ri chak patan katajin wi pa le k’amoj ub’e ri cuarto vice despacho ri’.
“Are wa’ jun ki’kotemal chaqe uj winaq ajno’jchakunel rumal ya’talil chaqe rech kojok che qapatan pa le ub’antajil chakunem ri’, rech man e tasol ta wi ri achijab’ chi ke ri ixoqib’ pa taq le chak patan kakib’ano xuquje’ ri junam chak patan ya’talil chi ke ri0’”, xcha’ ri Meza Orellana.
Xub’ij ri’ che pa taq le k’amanaq pa le kib’antajil ri e ajno’b’anikil ri’ eri kitatb’enik ri e achijab’ ri’, xuquje’ kumal ri ixoqib’ ri’, are wa’ jun uk’extajik uwach b’anikil ri’, ri man k’ot rutzillal, ri are wa’ kaqak’ut qumal uj oj ixoqib’, “Are wa’ jun nim ki’kotemal chaqe uj, rumal kaqak’utu ronojel ri kujkowin che ub’anik ri’”, xcha’ chik.