Chak rech taq ri k’olib’al rech ujilaxik kilitaj pa ronojel ri amaq’ tinamit rech ri b’inib’al taq tzijib’al q’aq’ xuquje’ rech kilitaj ri nimaq’ij kab’anik rech man k’ot ri b’anow k’axk’olil
Eri Ministerio rech Gobernación xumaj ub’anik pa le juk’al (20) taq wokaj tinamit rech amaq’ ri cholchak ub’i’ “Uq’aq’ Amaq’ rech q’ateb’al k’ax kuk’am b’i utzijol chajinik pa ronojel ri tinamit”, ri tajin kaya’ uchuq’ab’ rumal ri Prevención Comunitaria rech ri Violencia (UPCV) xuquje’ rumal ri Subdirección General rech Q’ateb’al ri K’axk’olil ub’i’ (SGPD) rech ri Wokaj Ajchajin Tinamit. Wa’ we chak b’anob’al tajin kab’an ukojik ri uch’ojib’al, rech kiqasach ri k’axk’olil, ri meb’an ri k’ax pa taq we b’anow nimaq’ij rech ri amaq’ tinamit.
Eri cholchak ri’ kab’an pa junam ruk’ kitob’anik ri Taqanel taq Wokaj Tinamit pa taq ri kik’olib’alil, kuk’ ri taqanel rech taq uq’ab’ tinamit, kuk’ ri k’amal taq b’e komon, ri ajtob’anelab’ xuquje’ kuk’ taq moloj ri winaq. Wew k’ak’ utasik chak che tajin kib’an ri uchajixik ri jikomal xuquje’ ri uq’alik b’anon k’ax.
Tajin k’aslemam ruk’ jikomal
Eri b’anon ya’ltzijol kuya’o nim uchuq’ab’ taq taq ri na’tisam b’inb’alil taq ri tzijib’al q’aq’, che ri katajinik rech kakitijoj b’anik suk’ilal b’anob’al, ri utzilal pa komon xuquje’ rech taq no’jib’al rech kab’an uq’atexik ri k’axk’olil. Rech taq kaq’atexik ri job’inaq ja’ k’o pa taq k’olib’alil, ruk’ taq jastaq chi ke ri kachi’laj ri tzijib’al q’aq’ rech unimarisab’al ri amaq’ tinamit.
Jacha tane’ jun uwach ri no’jib’al rech kaya ri pixab’ ub’ixik ri’ chi ke ri jujun taq b’anow chak pa tinamit rech kab’an pa jikomal xuquje’ pa kub’isalil, rech kasik’ix ri uk’aslemal ri tinamit rech meb’an ri b’anob’al kuk’astisaj ri k’axk’olil on ch’ayitalik. Ruk’ ri jikomal ub’ixik, rech mab’an ri tzaqoj ab’aj ja’ ruk’ nik’aj chik jastaq chi ke ri winaq ri tajin kek’amow b’i ri tzijib’al taq q’aq’ tinamit.
Kiqul ri eta’manelab’
Eri UPCV xuya nim uchuq’ab’ ri uq’ij ub’anik ruk’ taq ri pixab’inik, rech b’anob’al ri no’jib’al xuquje’ rech ujachik taq ri wujil rech utzijolil, ruk’ taq tzijtzijob’el b’anom rech kuya’o nimab’al xuquje’ rech suk’ub’al pa taq ri nimaq’ij rech amaq’ tinamit.
K’a te k’u ri SGPA xutak’ab’a’ taq k’olib’al rech chirij ub’ixik ri b’anob’al rech jikomal chi ke ri winaq xuquje’ rech ya’ik uchuq’ab’ ri pixab’ chi ke ri wianq che ri e k’o che uk’amik b’i ri tzijib’al q’aq’.
Ruk’ taq b’anowem, eri Ministerio rech Gobernación kuya uchuq’ab’ ri komon chak ri taqawokajil xuquje’ ri komon winaqil rech kab’anik pa jikom ri uq’ij ri amaq’ tinamit pa ucholajil, kub’alil xuquje’ rech maj b’anow k’ax, pa ub’ixik q’atexik ri k’ax xuquje’ rech pa jikom tzij kumal ri winaqil.