Eri ukojik ri Tablero rech Datos rech ri Plataforma rech ri Comunicación rech Datos Estadísticos rech ri Incidencia Criminal (PLADEIC) are retal jun nim chakunem b’anom rech ya’ik saqi ub’ixikil rech ri chakum ri’. Eri tob’chakub’al ri’ are kub’an uq’axexik ri tzijol pa tinamit, rech ya’tal rilik kumal ri wokajilal, ri taqawokajil xuquje’ ri winaqilal rech uch’ob’ik ucholaj ri tzijol taq uq’atexik ri b’anoj taq k’ax, xuquje’ kab’an le rilik ub’anikil ri chajinem b’anom pa juntir rulewal tinamit.
Eri Ministro rech Gobernación, Francisco Jiménez xub’ij eri ya’ik rilik ri tzijol chak pa tinamti are la’ taqim ub’anim rumal ri K’amal B’e Amaq’ Bernardo Arévalo, kub’ij eri uwachwuj kemtz’ib’anem ri’ are la’ le k’aj’ ub’anik kab’antaj ri’ rumal le k’amoj ub’e ri taqawokajil ri’. “We le winaq k’o jun taq kikemtz’ib’ab’al, we ko jun kitablet, we k’o jun kich’aweb’al keqam ruk’ ki’internet, ya’tal ri’ chi paq’ij chi chaq’ab’ kakilo ri tzijol chak tajin pa tinamit rech taq ri ya’olchajinem ri’”, xcha’.
Eri Taqawokajnel rech ri Ya’olchajinem pa Amaq’ sib’alaj xuya uib’ixik chewe tob’chakub’al ri’ are la’ jun runimal b’anoj ya’tal chi ke ri e ajno’jchak, e ajeqa’lenel, e ajtzijolinel, e ajtzukno’kchak xuquje’ chi ke ri wiinaqilab’ rech kakilo uwach ri ya’olchajinem b’anom pa Iximulew. “Xaq tab’a’ kintaqo le nutzij ub’ixik chi ke ri wokaj chajil tinamit, misach pi ijolom che ri ix ix ajchajil kech ri winaqil pa tinamit, xuquje’ ix ri’ kiya’o ub’ixik ucholaj ri utz tzijol ri’ xuquje’ are la’ kaq’ax ub’ixik pa le ya’ik b’ixikil rech rech ri chajinem kumal ri ajchajil tinamit”.
Eri tob’chakub’al kojom
Rumal ri’, eri Viceministro rech Tecnología rech ri Información xuquje’ Comunicaciones, William Cameros, xub’ij eri k’ak’ uwachwuj kemtzib’ab’al ri’ are la’ kuq’axe’j ub’ixik ri q’atenik b’anoj k’ax xuquje’ ri chajinem kumal ri ajchajil tinamit. Xuquje’ xuya ub’ixik eri winaq e ajkojol rech, ya’tal chi ke rech kakikolo ri saqil tzijol ya’om pa tinamit ri’ xuquje’ ya’tal chi ke kakilo k’a pa le portal electrónico ri’.
Eri K’amal b’e rech ri PNC, David Custodio Boteo xub’ij eri tob’chakub’al rech kemtaktakb’al ri’ are la’ retal uchuq’ab’ ri chak kab’anik, rech katzijolixik chi rij le runimal q’atenik b’anoj k’ax pa juntir ub’anikil. “Man xaq ta ri’ rech kamol uwach ri tzijolil rech kab’an uch’ob’ik uwach, xane’ are rech kakub’isax ub’anik pa uq’ijol chi kuwach ri winaqilal pa le b’anoj ya’olchajinem pa tinamit”, xcha’.
Pa le nim riqon ib’ chomanem ri’ xb’an pa le Salón rech Recepciones rech ri Palacio Nacional rech ri Uk’u’x Nimatinamit, chi’ xe’opan wi ri Embajador rech ri Embajada rech Estados Unidos de América, Tobin Bradley xuquje’ ri Rajto’ninel ri Programa rech Naciones Unidas rech ri Desarrollo (PNUD), Eduardo Díaz, eri e are ri’ sib’alaj xkiya’o ub’ixik ri nim upatanib’al ri transformación digital rech kub’alil ya’ik b’ixik ri tzijol b’anoj chak pa tinamit ri xuquje’ rech wa’lijsab’al poq’san chak meb’il pa amaq’il ri’.