Pa le 7 rech marzo kanoq are chi’ xok’owisax Unimaq’ij rech Datos Abiertos ri’, rumal ri’ eri viceministra rech ri Tzijolil xuquje’ rech Tecnología rech ri Ministerio rech Gobernación, xub’ij che katajin uchakuxik uwach ri katzijob’elil ri 69 chi taqawokajilal rech ri taqawokaj pa amaq’ ri’.

Eri Viceministra rech Tecnología Devora Meza, xuya’ utzijob’exik ri’ che ri Ub’anikil Chomab’al rech ri Datos Abiertos are ri’ xkoj pa le Ministerio rech Gobernación rech kuya’o uchuq’ab’ rech tzukub’al rech ri tzijob’elil che ri qas are rajawaxik kakil uwach ri winaqilal pa le uwachwuj rech: www.datos.gob.gt.

Eri uwach wujil ri’ are jun nimak’utunsab’al pa tinamit che ri uk’am juntir katzijoll ri jalajoj taq wokajilal rech ri Taqawokaj ri’, are rech utaqim uya’ik chi ke ri winaqilal rech man tojom taj rech ke’ok che rilik ri tzijob’elil k’o chi upam ri’.

Chi’ k’u ri’ eri winaqil tinamit rech kakunik kakil chi’: Ri Kakik’iyemal Winaqil pa Tinamit, Kijastaq Kimeb’il, ri Ub’anikil Tijonem chi ke, Ub’antajil Kino’jk’aslemal, ri Ch’ich’ kakikoj ri’, ri Ya’olchajinem, ri rech Utzwachil, ri Saqilb’anem pa taqawokajilal, ri Eta’mab’alil xuquje’ ri No’jchakub’al kakikoj ri’.

Eri jun cholchak ri’ are k’o nim upatan pa le ub’antajil ri b’anoj chomab’alil xuquje’ ri ukojb’alil xuquje’ ri ya’el tob’anem chi ke konojel ri winaqil ri’ are wa’ kub’an utz che ri “Ub’anikil ri Saqilb’anem pa taq taqawokajil ri’”.