“Qas in ch’uti’n na qas utz kenuwilo ri kematz’ib’alil xuquje’ xumaj nujolom xinwilo rech b’anoj chomanik, utz xinwil ri k’ak’ taq nuk’wach, are wa’ qas xuya’ nuchuq’ab’ rech xintijoj wib’ che Ingeniera rech Nuk’ulemal, are wa’ kinkojo we chanim pa le nuchak kintajin che ub’anik rech ri k’ak’ ub’anikil no’jb’anemal ri’ xuquje’ ri b’anoj chomanik pa le Wokajil Ajchajil Tinamit xuquje’ pa taq le K’amoj ub’e chakunem pa wokajil kab’an pa le Ministerio rech Gobernación ri’”, xcha’ ri Viceministra rech Tecnologías, Dévora Meza Orellana.
“Are wa’ kuya’ pa retal rech kab’an jun utzalaj chakunem ri’, are wa’ junam ruk’ kub’ij che ruk’ le no’jb’anemalil ri’ kaqato’o ri qatinamit rech kak’iy na ri utz ya’olchajinik kab’an chi’”, xcha’ ri Ukaj Viceministra.
Xuquje’ xuya’ ub’ixik ucholaj ri’ che are ri’ le nab’e chuchuxel xopan pa le reqale’nib’al rech pa Ukaj Viceministerio ri’ k’a xtikitaj loq are wa’ kuya’ jun nim ki’kotemal che, rumal ri’ xub’ij chi ke ri alaj taq ali qastzij b’a’ chakitijoj kib’ che Ingenierías rech No’jb’anemalil ri’, che ri ub’anikil ri no’jb’anemalil, ri are wa’ qas k’o nim upatan, man k’ot b’a’ kaq’aten kech rech kakimaj katijoxik che ri reta’mab’alil tijonem ri’.
“Are wa’ kuya’ nima’q taq ki’kotemalil, ruk’ qas reta’mab’alil ri’ are kakoj che ri uq’axexik ri chakunem, rech k’o k’ak’ taq b’anikil kab’an ri’ xuquje’ k’o k’i ya’talil kuya’ ri’, rumal wari’ sib’alaj kini’j chiwe ix alaq taq ali, taq ala, chi ke le tat nan xuquje’ chi ke ri e ajtijonelab’ rech chakikojo b’a’ kib’ pa le reta’maxik uch’ob’ik ri no’jb’anikilem ri’, rumal k’ut we kamik man are taq chik jun eta’manik rech chuwe’q kab’ij, xane’ rech we chanim chik”, xcha’ ri Meza Orellana.
Eri xub’ij loq ri Doctora Meza, pa le nimaq’ij rech kiq’ijol ri alaj taq ali xb’an pa le TIC, xuquje’ rumal ri’ eri Superintendencia rech Telecomunicaciones (SIT) xub’an jun nim b’anoj chomanem pa uwachwuj pa le k’amq’aq’nil, chi’ k’u ri’ kil wi nik’aj chik uwach runimal tzij rech chomanem ch ke “Ri alaj taq ali che ri TIC, le ixoqib’ rech pa le Kak’iyemal ri’”, “Ri Casos rech Éxito, ri ixoqib’ che kakichomaj chik kib’ pa taq le TIC”, “Ri lajuj B’anob’anikil rech no’jb’anoj b’anom kumal taq ixoqib’ ri’ rech uk’exik le b’anikil pa uwachulew” xuquje’ le jun nimb’anoj tijonem rech ub’anikil Robótica-IT Learning ri’.
E are jun xetatb’enik chi’ ri e ajtzijonelab’ rech ri Unión Internacional rech Telecomunicaciones (UIT), ri capitán rech ri equipo Gnius Club, eri ilb’anem ri’ are xmajtajik pa taq le b’elejeb’ kajb’al ruk’ 45 minut ri’ rech xk’is pa kab’lajuj kajb’al rech panik’aj q’ij, xuquje’ are wa’ xtz’apix uwach rumal ri Viceministra rech Tecnologías ri’.
“We kamik q’ij ri’, rumal ri’ tecnología kujkowinik kaqatzijob’ej qib’ chaqawach, ruk’ wa’ kaqatijoj qib’, kujchakunik, kaqeta’maj xuquje’ rech kaqab’an k’i taq jastaq b’anikil ri’, rumal ri’ are wa’ kini’j chiwe iwonojel ix qawinaq e aj iximulew ri’”, xcha’.