K’o 11 mil chi kuchb’al kichi’ winaq xjach chi ke e ajchajinel rech pa Wokajil Japache’

 

We kamik k’o 11 mil chi kuchb’al kichi’ xjach chi ke ri reqa’lenel ajchajinel rech ri Wokajil Japache’ Tz’apib’al rumal le empresa coreana VEXTEC ri k’o pa wokajil ruk’ ri AGEXPORT, pa ilb’anem ri’ are jun xopanik ri Ministro rech Gobernación Edgar Godoy, ri viceministra rech Tecnología, Devora Mesa, ri Subdirector rech Rehabilitación rech ri Sistema Penitenciario, Alejandro Chang xuquje’ ri K’amol ub’e ri VESTEX Alejandro Ceballos, ri empresa Coreana ri k’o pa le uwokajil ri AGEXPORT ri’.

Eri Ministro rech Gobernación, xuya’ ub’ixik che ri kuchb’al kichi’ winaq ri’ k’o 11 mil xya’ chi ke ri 5 mil 500 e rajchajinel ri SP. “Kinmaltyoxij ri toq’ob’ utzil xb’an chi ke ri winaqil e tz’apil pache’ ri’ rech uq’atexik ri jun k’ax yab’il ri’ xuquje’ rech chi ke ri rajchajinel ri Taqawokajil Japache’ Tz’apib’al ri’”.

Rumal ri’ eri Alejandro Ceballos, k’amol ub’e ri VESTEX xub’ij che ri kuchb’al kichi’ winaq ri’ are sib’alaj kachakon chi ke rajchajinel ri Taqawokajil Japache’ Tz’apib’al ri’ rech kakito’ kib’ chi uwach ri jun k’ax yab’il. “Jun nimalaj q’ijol chuwe in kinjach ri kuchb’al chi’aj ri’ xuquje’ uj k’o ri’ che b’anoj tob’anik pa le jun ilonem ri’, rumal k’ut ujtob’aninaq ruk’ ri ri Taqawokajil Japache’ naj q’ij chik xuquje’ are wa’ kaqaterenb’ej loq’ ub’anik ri’.

Eri Alejandro Chang, subdirector rech Rehabilitación rech ri SP, xkub’isaj ub’ixik che ri rajchajinel ketajin b’a’ che unimaxik ri saqilb’anik che ri rajawaxik rech uq’atexik kutzij tane’ rib’ jun k’ax yab’il ri’, “Eri kuchb’al kichi’ winaq ri’ are qas nim kojuto’o, rumal k’ut eri rajchajinel e k’o 15 q’ij pa chak ya’olchajinik ri’ xuquje’ ruk’ wa’ kaq’atexik ri jun k’ax yab’il ri’2.

Noticias Recientes