Katajin uchomaxik rech ya’el uchuq’ab’il ri ya’olchajinik pa we amaq’

“Xujmolin pa b’anoj chomanem kuk’ ri Taqanelab’ rech Distrito, rech ri Comisaría pa we amaq’ilal, ruk’ ri Sub Dirección General rech Operaciones ri’ xuquje’ ruk’ ri  Director General Adjunto ruk’ utaqixik rech ya’el ri ub’anikil ri chakunem pa le ch’ob’otal chak ruma ri taqawokaj rech ri K’amal b’e Amaq’il Alejandro Giammattei”, xcha’ ri Viceministro rech Seguridad, Gendri Reyes Mazariegos ri’.

Pa le b’anoj chomanem k’o pa jalajoj ri ub’anikil chak xb’an ri’ man xaq ta rech uq’atexik ri COVID-19 xane’ xuquje’ rech xchomaxik uya’ik uchuq’ab’ ri kichakunik ri e ajchajinelab’ pa le uq’atexik ri e ajb’anol taq k’ax kuk’ ri nuk’wokaj kamisanelab’ ri’.

Eri Viceministro xurilo che tzij b’a’ k’o nim tijowchuq’ab’ kakib’an ri Wokajil Ajchajil Tinamit (PNC), rumal ri’ xub’ij “qeta’m k’ut ri rutzilem k’o che ri wokajilal ri’ pa le uchajixik ri winaqilal, ri amaq’ qatinamit, xuquje’, are wa’ kaloq’oq’exik, ri rajawaxik kaloq’oxik ub’anikil ri’”.

Junam ub’ixik ri’ xub’ij ri Reyes Mazariegos, aretaq xub’an jun sik’inem chi ke ri Taqanelab’ rech Distrito xuquje’ rech ri Comisaría rech kakitzijoj chi kuwach, rech kawok ub’anikil jub’iq’ ri’ pa ri unimaxik ronojel ri ya’olchajinem, xuquje’ ri’, kumal ri q’atb’altzij, rech kawok uwach ri ub’anikil ri chakunem kumal e ajchajinel ri’ rech e are chik kakik’am ub’eyal ri chomanik xuquje’ rech ruk’ wa’ kachomax uwach ri rajawaxik che ri taqawokajila we kamik ri’.

Eri Viceministro xub’ij chi ke konojel ri xek’oji pa le ilb’anem ri’ k’o chik 20 junab’ katajin ri b’anoj ya’olchajinik ri’, rumal k’u ri’ reta’m chik ri chak kub’an ri PNC xuquje’ ri chak kab’an kumal ri jachakunb’alil rech ri taqawokajnem rech Ya’olchajinem pa Amaq’, are jun xtatb’en pa le chomanem rech K’ak’ Taqanib’al pa le wokajilal ri’, xuquje’ pa taq le viceministerios rech uwokik uwach ri ch’ob’otal taq chak ri’ xuquje’ ri’ rumal in k’o pa weqale’n kamik are wa’ kuya’ kub’an chuwe rech kinwok uwach ri b’anoj chomanem ri’ xuquje’ rech qastzij b’a’ kab’an uchakuxik ri’.

Xuya’ ub’ixik eri jun chi ke ri katajin uchomaxik ri’ che ri katajin utoq’ixik ub’anik are ri ujachik uwach uq’ab’il ri’ are ri’ Hospital rech ri PNC ri’, pa le ukojik taq ri clínicas pa jujun taq Distrito, rech are b’a’ kachakon chi ke ri e ajchajinel kuk’ ri kachalalil ri’ rech qas utz b’a’ kikunaxik kab’an ri’ xuquje’ rech qastzij b’a’ k’o nim utzil qas kuya’ chi ke ri eqa’lenel chajinel ri’.

Chi ke ri xchomaxik ri’ k’o nik’aj chik uwachtzijonem xtzijob’exik rech b’anoj loq’oq’enik chi ke ri e ajchajinel ri wokajil ajchajil tinamit, rech ya’el uchuq’ab’ ri b’anoj tzukno’jchakunik chi rij b’anoj kamisanem, rech ri Sub Dirección General rech Prevención rech B’anoj k’ax, chi ke ri jalajoj taq e sak’ajil jachakunb’al ri’, rech kachomaxik ri utzijob’elil ri Inspectoría, rech are qas kab’an utz che ri PNC, ruk’ ri b’anoj chakunem che ri k’o pa ub’eyal cholchak rech k’amoj ub’e juntir le uchak patan ri wokajilal rech ri rajawaxik che ri Ministerio rech Gobernación ri’.