Eri Tercer Viceministro rech Ajq’atel k’ax, Carlos García Rubio, xmolin ruk’ ri Miguel Ovalle, K’ama lb’e rech Kimoloj ib’ ri Q’atb’altzij pa Amaq’ (ANAM) rech kataqixik ri b’anoj komonchak kuk’ ri e ajkalte’ib’ rech taq tinamit chi rij ya’olchajinem winaqil, uq’atexik b’anoj k’ax ch’a’ojinem ri’.

Eri Viceministro, García Rubio, xub’ij che ruk’ we jun riqoj ib’ ri’ are taqim jun b’anoj chomanem kuk’ ri e ajkalte’ib’ rech taq tinamit rech kajach wi ri chakunem b’anom kumal ri Molaj Chomanelab’ Ya’olchajinem ri’, ri tajin ketatab’en wi ri k’exwach rech taq ri komon rech ya’olchajinem xuquje’ suk’umalil chi’.

Pa le b’anoj chomanem kumal ri moloj rech ya’olchajinem chi’ kab’an wi jun uch’ob’ik rech katoq’ixik uq’atexik ri b’anoj k’ax chi’, rech keta’max rilik ri k’olib’alil che ri qas kab’an wiri’ k’ax ri’, rech kach’ob uq’atexik ri’ xuquje’ rech kiwa’lijsax uwach ri b’anoj q’atenik k’ax.

Eri K’ama b’e rech ANAM, xub’ij che ri are utz kuril ri tajin uchomaxik ri’ rumal ri’ ri are k’o chakub’al chokonsab’al kuya’ chi ke ri e ajkalte’ib’ rech taq tinamit rech ub’anik we jun cholchak pa taq le q’atb’altzij ri’.

 “Rumal ri’ xintaq k’ut jun winaq rech kub’an ujachik ri cholchak chi kuwach ri kab’lajuj rulewal tinamit rech ri ANAM, rech kurilo chinaq ajkalte’ib’ kikaj kakichakuj kakib’an wa’ pa le katinamit rech kakiwok uwach rech kakikojo ri molajil rech ya’olchajinem ri’”, xcha’ ri K’amal b’e Ovalle.

Pa taq le molaj chomanel ri’ ketatab’en wi ri q’atb’altzij rech ri Wokajil Ajchajil Tinamit (PNC), rech ri Chakuja Wokajil rech e Ajq’atel k’ax (UPCV), ri Ajchajinelab’ rech K’utb’e rech taq Tinamit (PMT), ri Ministerio Público (MP) xuquje’ ri Organismo Judicial (OJ) ri’.

Eri Viceministro rech Q’atel k’ax xub’ij are rech kakoj ri komon ajchomanel ri’ sib’alaj rajwaxik ketob’an ri’ ri q’atb’altzij rech taq tinamit.

We jun b’anoj cholchak ri’ are kojom chik pa le Q’atb’altzij rech Villa Nueva, chi’ k’u ri’ b’anom chik kowinem rech q’atexik ri b’anoj k’ax chi’.