Eri viceministro de seguridad, Gendri Reyes, xopan che solinem pa japache’ kech achijab’ xuquje’ ixoqib’ rech Chimaltenango, rech xopan che usolixik ri b’anoj tzukunem katajin chi’, rumal ri b’anoj Korlim Ya’olchajinik taqom ub’anik chi’ rumal ri K’amol ub’e Amaq’ilal ri’.
Eri Reyes xuya’ ub’ixik pa le ropanik chi’ xutaq ub’ixik chi ke ri ajchajinelab’ chi’ rech kakesaj juntir ri kolob’ rech k’amq’aq’nil che ri k’o pa le japache’ ri’, rumal sib’alaj rajawaxik kesax juntir wa’ chi’.
“Eri solinik chi’ are k’o nim upatan, are rech kilik we utz katajin che ub’anik ri tzukunik chi’. Jacha’ ri xub’ij loq xesataj chi’ juntir ri kolob’ rech k’amq’aq’nil chi’” xcha’ ri Reyes.
Pa le b’anoj tzukunem ri’ xesolinik chi’ ri Wokajil Ajchajil Tinamit (PNC), ri q’atol tzij rech ri Ministerio Público (MP), xuquje’ ri ajchajinelab’ rech ri Wokajil Japache’ Tz’apib’al, e are k’ut xe’opan che solinik pa taq le tz’apib’al rech sib’alaj xkitzukuj ri’ ch’awib’alil, awam kunb’alil, k’aqb’alil, puch’b’alil, ruk’ juntir le maj pa usaqil chi’ rech qaraj kakoj tane’ kumal ri ajpache’ e tz’apil chi’.