K’o jun winaq 40 ujunab’ ri chapom kumal ajb’anol k’ax xeto’taj loq kumal reqa’lenelab’ ri Comando Antisecuestros rech ri Wokajil Ajchajin Tinamit (PNC), pa le aldea Ulche rech San Pedro Soloma, chinab’jul. Are chi’ xekunaxik xeto’taj loq te k’u ri’ xek’am pa rapan ch’ich’ pa kaqiq’ xek’am loq k’a pa jun kunanib’al pa le uk’u’x nimatinamit rech uk’u’x nimatinamit.
Are chi’ xtotajik che xk’am b’i le winaq kumal nik’aj b’anol k’ax pa le keb’ q’ij rech mayo kanoq, pa Salcajá, Xe’laju’, eri Comando Antisecuestros ri’ pa aninaqil xkimaj utzukuxik uwach xuquje’ xkib’an jun puqtzukunem ri’ rumal k’u ri’ xb’antaj kowonem xto’taj le winaq, xb’antaj kowonem xechap loq’ e kajib’ chi b’anol k’ax kakeleq’aj winaq ri’.
Eri xechapatajik e’are k’ut a Juan “N”, 46 ujunab’; al Sindy “N”, 40 ujunab’; a Marvin “N”, 36 ujunab’; ruk’ a José “N”, 35 ujunab’, ri kab’ix9ik sib’alaj xkitoq’ij Q4 millones chi pwaqil chi ke rachalalil le winaq kichapom b’i le xesax pa kaq’ab’. Are chi’ xechap nik’aj b’anol k’ax ri’ xek’am b’i pa q’atb’al tzij rech kechomax chi rij taq ri k’ax xkib’ano.
Pa taq le b’anowem ri’ e k’o oxib’ chi ch’aweb’alil xriq loq, ruk’ oxib’ chi wujilal rech ja k’olme’r, oxib’ chi resl taq rachib’al ri’, waqib’ rij ub’aq’ k’aqb’al q’aq’, keb’ chi wujilal rech kitzijol winaqib’ (DPI) xuquje’ jun pasaporte, ruk’ nik’aj chik jastaq ri xkipis b’i ri q’atb’al tzij rech kakiq’alajisaj uwach ri’.