Are wa’ uwach ri nimachak rech uq’atexik ri b’anoj k’ax pa kachoch winaqilal ri’, eri Ministerio rech Gobernación (Mingob) xujaq le jun jachakub’al rech ri Programa rech Q’ateb’al ri K’ax pa Kachoch Winaqib’ (PROPEVI) pa le 1avenida 12-32 zona 1, barrio 3 rech Abril, San Benito, Petén ri’. pa reqale’n uchak le k’ak’ jachakub’al ri’, le Unidad rech ri Prevención Comunitaria rech ri B’anow K’ax (UPCV), man tojom taj kechomaxik rech uya’ik uchuq’ab’ ri ilonem chi ke ri winaqib’ e’achalalil xuquje’ rech kek’oji pa kub’al k’u’x pa rulewal tinamit ri’.
Eri cholchak are utaqim ub’anik jun chakunem pa taqawokajil pa kemon chakunem kuk’ ri wokaj e’ajchajinelab’, kuk’ ri rech tijonem, ri q’atb’al tzij xuquje’ ri rech utzwachil, rech kakub’isax ub’anik jun k’i uwach chomab’al ri’ jeri’ chi rij taq ri b’anow taq k’ax chi ke ri ixoqib’ pa juntir ub’anikil taq. Jeri’ rech kab’an kachomaxik ri winaqil, ri pa usaqilal, rech kakunax kijolom kanima’ xuquje’ rech kab’an ri ilonem pa tijob’al kech ri nan tat.
Are chi’ xjaq ri rachochib’al ri’ are jun ri viceministra rech Prevención rech ri Delito, Mayda de León, ri sib’alaj xub’ij che ri cholchak rech q’ateb’al k’ax ri’ are kamajtaj ub’anik pa uwi ri jun ch’ob’ow uchomaxik rech kaq’atexik ri uchuq’ab’ ri b’anow k’ax ri’ pa amaq’ tinamit. Jeri’ sib’alaj xub’ij che ri b’anow chakunem are kab’an ruk’ ri ub’anikil unimaxik ri kemonchak kumal ri taqawokajil xuquje’ rech ketob’anik chi ke taq ri winaqil pa uwokik pa jumul chik ri wokaj winaqilal ri’. Sib’alaj xub’ij chi k’o nim upatan ri ilonik rajawaxik kab’an ri’ pa le ub’anikil ri’ rech kakoj ri rachoch japache’ tz’apib’al ri’ rech b’a’ are ka’ux che ri kab’lajuj ri chakum chik uwach pa rulewal amaq’ tinamit.
Eri woksoltaqanem chak rech ri Unidad rech ri Prevención Comunitaria rech ri Violencia (UPCV), Nicolás Reanda, ri are sib’alaj xub’ij chi utz ub’anik uchuq’ab’ ri patan xb’an chi ke ri winaqilal, chi rij k’ut ri utzilaj ilonik chomanem ri’, ri uterne’xik achb’ilaxik kab’an chi ke ri jujun taq ri winaqilal. Xuquje’ sib’alaj xub’ij chi are wa’ reqale’n uchakri taqawokajil ruk’ ri chak kab’an pa aninaqil pa taq le b’anowem uq’atexik k’ax ri’.
Rumal k’u ri’, eri taqanel rech Atención chi ke taq Víctimas rech ri Wokajil Ajchajin Tinamit (PNC), Lilian Alvarado, sib’alaj xub’ij che eri ub’anik ri ilonem pa juntir ub’anikil chi ke taq víctimas man xaq ta ri’ rech pa aninaqil kab’an ri tob’anik, xane’ are rech kaya nim uchuq’ab’il ri chajinem suk’umalil pa amaq’ tinamit. Jeri’, sib’alaj xub’ij chi ko nim upatan ri’, pa le ub’anik ri nimaq’ij pa uq’ijol ri nimanem chi ke ri winaqilal, rech kilik jawchi’ k’o wi’ ri k’axk’olil xuquje’ rech kab’an b’a’ ri riqon ib’ tzijob’elil pa joremal kuk’ ri winaqilal.
Pa le b’anowem ri’ xk’oji ri Gobernadora Departamental, Carmencita Luna; ri ajchomanel rech ri Programa rech Prevención xuquje’ Erradicación rech ri B’anow k’ax (PROPEVI), Margarita Rivas, xuquje’ ri subdirector rech ri Subdirección General rech Prevención rech ri Delito rech ri PNC, Pablo Rodríguez ri’.