Eri winaqil e aj iximulew tajin kakijacho kib’ pa PNC rech ke’ok pa wokajil ajchajil tinamit

 

Rumal k’ut kakaj ke’ok che patanem pa amaq’, e k’o 50 achijab’ xuquje’ ixoqib’ rech jalajoj taq tinamit pa we amaq’, xe’opanik xakijacho kib’ we kamik ri’ pa le Tiijob’al ub’i’ Escuela rech Formación rech Oficiales Policiales xuquje’ pa le Tijob’al rech ri Wokajil Ajchajil Tinamit pa le zona 6 pa nimatinamit, rech xe’opan che ujachik kuwujil rech kakaj ke’ok pa le wokajil ajchajil tinamit ri’.

Xaq pa nimaq’ab’ k’ut eri winaqil sib’alaj xkitzukuj ri e rajawtzij rech kakik’am ri kuwujil ri’, rech b’a’ are kakaj ke’ok’ow pa le ukab’ uwach rech ri ya’el tzijob’elil chi ke chi rij ri wujil kata chi ke, rech kakipajo kib’, rech kaketaj ri kekowin che ub’anik, rech ke’ilik we utz kuwach rech kilik we man k’ot jumul e esamel pa taq le sik’inem b’anom kanoq ri’.

Eri Subdirector General rech Estudios xuquje’ Doctrina, Edwin Ardiano, xub’ij che ri e ajtijoxel ri’ ruk’ kuwuj che xe’opan che ujachik ri’, re kuk’utu che qas kakaj ke’ok pa le PNC ri’.

“Eri uj ajk’amol b’e ri’ utz kaqarayij chi ke ri’ xuquje’ are keqeye’j rech ke’ok b’a’ quk’, rumal k’ut eri qachak ri’ are sib’alaj k’o utz una’ojil, rech k’o chajinik winaqil kaqab’ano xuquje’ rech utz ri qab’ano qonojel, xuquje’ kaqab’ij chi ke che tijonem ya’tal chi we pa lajuj ik’ are k’o nim upatan rech kixok che reqa’lenel ajchajil tinamit rech nab’e na kitijoj iwib’ pa le Nimatijob’al ri’”.

Eri Ardiano, roqxa’nij ub’ixik che ri winaqil ri’ xaq mejo’saxik “Pa le tijob’al ri’ Man tojom taq kitz’ib’aj iwib’ man tojom taj kiwesaj wi rachib’al iwujil ri’, pa iwonojel kixto’ik che resaxik ri iwujil ri’, xuquje’ man xaq ta ri’ pa le Tijob’al k’o pa le zona 6 tojom taj kak’am wi ri iwuj ri’”, xcha’.

Eri Omar Lemus, jun ala karaj ka’ok che ajtijoxel pa PNC rech Jutiapa, xk’ub’isaj ub’ixik che ri are qas karaj ka’ok che upatan pa we amaq’, “sib’alaj kinki’kot ri’ xuquje’ sib’alaj kinwiye’j rech kinok pa le Wokajil Ajchajil Tinamit, ri in sib’alaj kuwaj kintob’anik chi ke nik’aj chik winaq xuquje’ rech kinb’an ronojel utzil pa Iximulew ri’”.

Xuquje’ rech pa tinamit rech Jutiapa, eri Carmen Cecilia Francso, xub’ij che are karaj kub’an reqa’lenel ri PNC, “are tajin kuwaj kenuto’o ri wajil nutz’aqat xuquje’ che juntir nutinamit, are wa’ qas nuwichik’am in xuquje’ are wa’ tajin kinweye’j rech jeri’ kinb’an ri’”.

Are xb’antajik aretaq eri q’atb’altzij rech ri Ministerio rech Gobernación pa le ya’el utzijob’elil rech ri Acuerdo Ministerial 23-2020 che xya’ loq utzijolil pa le diario oficial, rech b’anoj kasik’ixik ri winaqilal rech chinaq kakaj ke’ok pa le b’anoj tijonem chi ke rech ke’ok che Reqa’lenel ri Wokajil Ajchajil Tinamit.

 

 

 

Alerta de Corrupción

Ultimas noticias