Eri q’atb’altzij rech ri Wokajil Ajchajil Tinamit (PNC) xkiya’ utzijol che e k’i chik ri winaqil e chapom rumal keniman ta che ri decretro 6 xuquje’ 7 2020 rech ri Toque de Queda rech ri 22 rech marzo pa le 18 de abril rech pa junab’ ri’ rumal ri’ e k’o chik 12 mil 057 chi winaqil ri’ xuquje’ 7 mil 070 e chapom chik xuquje’ e k’o 4 mil 987 xechap loq rumal e q’ab’arel katijom tzam ri’.
Eri xechapatajik are ruma xkinimaj taj ri Toque de Queda rumal ri’ xechapatajik e 11 mil 346 chi ajchijab’, kuk’ 711 e ixoqib’ ri’. E k’o 11 mil 820 ri’j winaq ri’ xuquje’ e k’o 237 chi ak’alab’ ri’, eri q’atb’altzij xkib’ij eri 10 mil 307 e b’enaq che kaqan, eri 944 e b’enaq pa taq ch’ich’ ri’.
E k’o 871 xechapataj ri’ pa le comisaría 31 rech Escuintla, e k’o 859 rech ri comisaría 51 rech Cobán, e k’o 796 xechap loq pa le comisaría 43 rech Chinab’jul, e k’o 708 rech Chimaltenango ri’, pa taq le tinamit ri’ che ri qas k’o e chapom wiri’.
Eri b’anoj saqilb’anik ri’ xuquje’ rech uq’atexik ri jun k’ax yab’il are wa’ xtaq ukojik loq rumal ri K’amal b’e Amaq’il Alejandro Giammattei rech pa le b’anoj utzil chi ke ri winaqil e aj iximulew ri’.