Eri winaqil rech Santa Cruz Barillas tajin kakub’ kik’u’x chi ke ri ajchajil tinamit

 

Eri winaqilal rech Santa Cruz Barillas, Chinab’jul, sib’alaj xkimaltyoxij kopanik ri’ q’atb’altzij rech ri Wokajil Ajchajil Tinamit (PNC) chi’ pa we q’ij ri’ kuk’ ri komon k’amol kib’e ri taqawokajilal rech ri k’ak’ taqanem rech taq Q’atb’altzij ri’.

Are jun pa le taqawokajilal ri’ ri Ministerio rech Gobernación (Mingob), ri Ministerio Público (MP), Ri Organismo Judicial (OJ), ri Defensa Pública Penal (IDPP) ri’ xuquje’ ri Instituto Nacional rech Ciencias Forenses (Inacif) ri loq’ sik’im chi’.

Eri Eva Juan, aj winaqil chi’, xumaltyoxij ri kopanik chi’ ri e ajchajil tinamit, rech uq’atexik b’anoj k’ax chi’ pa taq kachoch winaqil xuquje’ we kamik eri PNC ri’ katajin che ub’ixik chi ke rech chakib’ano toq’ob’ chakib’ij loq katzijol wexa’ e k’o ajb’anol k’ax chi’.

Eri tzijolil ri’ xya’taj kumal ri q’atb’altzij rech ri Subestación rech k’olib’al chajinem pa Barillas ri’ rech k’o k’i b’iw ub’ixik loq kakib’an ri winaqil ri’ chi rij b’anoj k’ax ch’ayonem pa taq kachoch winaq, rech ch’oj chi rij taq peraj juyub’ xuquje’ chi rij toq’inik pwaq chi ke winaq chi’.
Eri Marilena Castañeda aj winaqil rech Barillas, xub’ij eri kopanik ri chomanem ri q’atb’altzij chi’ are kuya’o kub’al k’u’x xuquje’ suk’umalil, are katob’an wa chi ke ri winaq kechapik rech ketaq ta b’i naj chi’, rumal ri’ xub’ij kinmaltyoxij che ri k’amal b’e amaq’ xuquje’ chi ke ri q’atb’altzij rech Gobernación rumal xkichomaj kakib’an utzil ri’ chaqe”, xcha’.

Eri taqim kumal e ajchajinelab’ chi’ are ri ya’olchajinik xuquje’ ri b’anoj suk’umalil jacha’ ri’: Ukojik ri ya’olchajinik pa juntir ri tinamit ri’ pa le b’anoj chomanem kuk’ ri q’atb’altzij chi’ xuquje’ kuk’ ri winaqilal ri’.

Eri ya’olchajinem ri’ are k’o pa le Na’ojil rech ri Taqawokaj pa Amaq’ chi rij ya’olchajinik, ri xtoq’ixik xkoj rumal ri K’amal b’e Amaq’ Alejandro Giammattei ruk’ ri Ministro rech Gobernación xuquje’ ri Viceministro rech Seguridad, Gendri Reyes.

Alerta de Corrupción

Ultimas noticias