Eri winaqil ri’ sib’alaj utz kakil xmajtaj ri ya’olchajinem tzukunik pa le zona 18 ri’

Are la’ jun utzalaj b’anoj ya’olchajinem ri’ xurilo ri winaqil William Soto, rumal k’ut are chi’ xel b’i pa nimatinamit k’a pa San Pedro Ayampuc, jeri’ xub’ij are chi tajin usolixik kumal reqa’lenel ri Wokajil Ajchajil Tinamit (PNC), ri uk’olib’al b’anoj ya’olchajiinem tzukunik ri’ kojom pa le kilóimetro 21 ri’, chinaqaj pa le okib’al chi la’ pa tinamit.

Eri b’anoj tzukunem ya’olchajinik ri’ rech ri control territorial pa le zona 18, rech kaq’atexik ri b’anoj k’ax ri’ rech toq’inik pwaq chi ke winaq ri’ ruk’ nik’aj chik b’anoj k’ax ri’ rumal ri’ pa taq nik’aj chik k’olib’emal chi’ jacha pa le okib’al pa Brisas, pa San Luis La Leyenda ri’, chinaqaj ri k’ayib’al, pa le krusb’e pa San José Nacahuil xuquje’ zona 6, pa Altos rech Santa María nimab’e kab’e pa Gerardi, kuk’ nik’aj chik ri’.

 “Eri k’olib’al ya’olchajinem tzukunik ri’ are rajwaxik ri’ rumal k’ut eri chajinem rech kab’an pa juntir ri’, rumal ri’ kinb’ij, pa amaq’el k’ut nuweqam nuwujil wuk’, utz k’ut jeri’ kab’anik”, xcha’ ri achi Soto.

Xub’ij chik eri chak ri’ kumal ri PNC, are la’ rech kakita kiwujil winaq rech kakisolij kitzijol ri’, pa utzilem k’ut uta’ik kakib’ano xuquje’ xub’ij che are qas utz we jeri’ kakib’an ri e’ajchajil tinamit ri’ chi ke ri winaqil.-

Eri tzukunem ri’ are la’ kub’an chi ke ri winaq rech kakub’ kik’u’x chi ke ri e’ajchajinelab’ ri’

Enk’u ri’ achi Luis Muñoz aj winaqil rech ri colonia La Leyenda ri’, xub’ij che are wa’ ri sib’alaj kitam ri’ ri winaqil rech katerenb’ex ub’anik ri ya’olchajinem ri’ xuquje’ rech kechapik ri e’ajb’anol k’ax ri’ rech kakitoj pache’ ri b’anoj k’ax kumal.

 “Are qas kaqeye’j k’ut kaya’ uchuq’ab’ ri chajinem ri’ rumal ri b’anoj taq elaq’ kab’an ronojel q’ij ri’, pa taq ri ch’ich’, pa taq ri colonias xuquje’ pa taq kik’olib’em winaq ri’, rumal k’ut sib’alaj k’i taq toq’inik pwaq tajin pa taq k’ayib’al ri’ rumal k’u ri’ rajwaxik kab’an ri tzukunem ya’olchajinik ri’”.

Xub’ij ri’ rajwaxik kakub’ kik’u’x ri winaqil chi ke ri q’atb’al tzij ri’ rumal ri’ rajwaxik kakub’isax uwach kichak ri PNC ri’, rech kakib’an ri utz tzukunem ya’olchajinik ri’, rech kaq’atataj ri b’anoj k’ax ri’.

Xub’ij chik eri tzukunem ri’ are la’ xmajtaj we q’ij kamik rumal are la’ xtaq ub’anik rumal ri Q’atb’al tzij rech ri Ya’olchajinem pa Amaq’, pa reqele’n ri Ministro David Napoleón Barrientos Girón, are la’ rech b’anoj utzilem, rumal ri’ xub’ij k’ut che rajwaxik kaq’atatajik pa le avenidas ri’, pa taq calles xuquje’ callejones ri’, che ri qas kab’an wi b’anoj k’ax ri’.

Are chi’ xta utzijol chi re ri b’anoj k’ax qas kab’an chi la’ k’ut, rumal k’ut eri winaqil tajin kek’ayin pa utzilem ri’, xcha’, rumal k’u ri’ rajwaxik kaq’atexik ri b’anoj toq’inik pwaq kumal ri elaq’omab’, ri b’anoj kamisanik xuquje’ ri b’anoj elaq’ pa taq ri ch’ich’ rajwaxik kaq’atataj ri’.

Ultimas noticias

Alerta de Corrupción