Are rumal taqim uchomaxik ub’e’al ya’olchajinem winaqilal, ri e wa’katel winaq, e ajwokja, jeri’ ri e ajchakunel kuk’ ri wa’katelab’ ri’ pa le Ciudad Colonial, eri empresarios rech ri Antigua Guatemala xemolin ruk’ ri Tercer Viceministerio rech Q’atel k’ax ri’, Carlos García Rubio ri’.
Xub’ij che ri ub’antajil ri Kajmanem Chomab’al rech Tinamit are tzijob’em ruk’ ri jalajoj taq empresarios pa tinamit ri’ che ri k’o pa le rulewal tinamit rech Sacatepéquez ri’ are jun chi ke ri tinamit che ri e q’atataj wi ri e wa’katel winaq pa le uq’ijol ri jun itzel yab’il, rumal ri’ sib’alaj katajin uchomaxik rech ya’tal chik ri ya’olchajinem chi ke ri empresarios are rech b’a’ chinaq ketajin che unimaxik ri taqanem tzij ri’ rajwaxik b’a’ ya’tal ri tob’anem ri ya’olchajinem chi ke ri’.
Are wari’ rumal sib’alaj katajin keleq’axik ch’ihc’ xuquje’ ri b’anoj elaq’nik pa taq ri k’ayib’alil ri’ chi’ k’u ri’ rajwaxik b’a’ kaq’atexik, xcha’ ri Viceministro ri’.
“Rumal ri’ kojtajin che ub’anik ri ya’ltzijol ub’i’ Guate Previene xuquje’ eri b’anoj chomanem kuk’ ri empresarios ri’ are la’ sib’alaj kuya’ uchuq’ab’ ri chomab’al ri’ kuk’ ri iniciativa privada xuquje’ ri taqawokajilal ri’ che ri sib’alaj ketob’anik ruk’ uq’atexik ri k’ayin awan kunb’alil, ri b’anoj k’ax chi ke ri ixoqib’, chi ke ri jawinaqilal, ri ch’ijom chak chi ke ri winaqil, ri kub’sib’al k’u’x pa nimab’e, ri usuk’ub’axik pa tinamit ri’, ri ya’b’al tob’anem chi ke ri e K’ajob’al e ajchomanelab’ xuquje’ rech kesuk’ub’axik ri ch’ich’ rech wokajil ajchajil tinamit ri tulijnaq ri’ xuquje’ are rech utz kekoj ri’”, xcha’.
Xub’ij chik, “Ruk’ wa’ ri b’anoj nimachak ri’ are la’ rech kakoj che ya’oltzijolil, rech ya’b’al tzijol, are la’ kub’ano rech ke’umol ri e k’amal b’e xuquje’ ri komon winaqilal rech kechoman ri’ are rech la’ nim ropanb’al ri b’anoj chomanem rech ya’olchajinem rech utz q’atenik k’ax kab’an ri’”, xcha’ ri Tercer Viceministro ri’.
Are wa’ k’o nab’ejsam chik ruk’ ri xutaq ub’anik rumal ri’ Ministro Gendri Rocael Reyes, xuquje’ rumal ri’ xb’an jun riqb’alil ruk’ ri Gobernador Departamental xuquje’ konojel ri taqanelab’ rech taq ri Comisarías, ri estaciones xuquje’ subestaciones rech Sacatepéquez rech kekoj nik’aj chik ri’ xuquje’ rech k’o jun wokajil ajchajil tinamit kekoj ri’, jacha’ ruk’ ri rajilab’al xuquje’ rech umolik ri tzijolil ri’, rumal k’u ri’ k’o operativos móviles xkoj ri’, ri k’o nim xuq’atij ri’, ri k’o utzalaj taq xchakuxik pa aninaqil ri’, ruk’ ri e k’o xb’antaj kowonem xechapataj loq xuquje’ e k’o ch’ich’, kejch’ich’ xesuk’ub’axik, xcha’ ri García Rubio.