Eri Wokaj e Na’winelab’ Chajinem pa tinamit (Difep) ketajin che b’anoj tijonik chi rij q’atenik k’ax pa uq’ijol kicha’ik k’ak’ q’atb’l Tzij pa junab’ ri’, ruk’ wa’ kataqixik ya’ik uchuq’ab’ ri k’amoj eta’manik, b’anon chajinem kumal e 1 mil 400 chi ajchajinelab’. E are k’ut ketojixik pa le finca El Violón k’o pa Canalitos zona 24 rech uk’u’x nimatinamit, chi la’ k’ut tajin wi jun ko katijoxik e ajchajinelab’ xuquje’ rech kakich’ob’ unimaxik ri Uch’ojilal Winaqib’, xcha’ ri inspector ajtijonel rech ri wokajil ri’.
Xuquje’ tajin jun usolixik rilik ucholaj ri taqanem Tzij k’o pa qatinamit rech utz upatanexik kab’an ri’ xuquje’ rech junamil ujachik kuwach ketaq ri’, rumal ri’, k’i uwach ri tijonik rajwaxik ri’: pa uwachwuj pa kaqiq’, b’anik kitaqik, rech kakijipij kib’ xuquje’ rech ke’opan pa taq ri tinamit xuquje’ pa taq juyub’ ri’.
Xuquje’ rech kach’ob’ rilik ukojik wuj rech rachib’al rulewal qatinamit, rech puqchajinem pa tinamit, pa taq juyub’, rech b’anon kunanem, nab’e kakunaxik yowab’, rech q’axenik chi rij kolomb’, rech kachajixik winaq keriqitaj pa k’axk’onem.
Eri inspector xub’ij che ri k’uttijionem are kab’an ri’ xuquje’ rajwaxik ri Difep kak’oj pa q’atenik ri ch’a’ojinik rech kakimulub’a’ ri winaq e ajch’ojil ri’ pa le b’anoj chomanem riqb’al ib’ ri’.
Jalajoj uwach taq ri jachakub’al ri’
Ri Difep k’o kajib’ puq reqa’lenel chajinem, ri Grupo rech Reacción Inmediata Lobos (GRIL) ri’, ri Grupo rech Operaciones Antipandillas (GOA) ri’ ri Grupo rech Búsqueda xuquje’ rescate (GBR) ri’ xuquje’ ri Grupo rech Acción Rápida (GAR), konojel wari’ k’o no’jinem chak kakib’ano chi la’ pa taq k’olib’al k’o wi ri k’axk’onem rech ri b’anoj k’ax kaq’atatajik, ruk’ ri tob’anik chech ri Ministerio Público (MP) rech ri tzukunem rajwaxik, chech ri Sistema Judicial rech q’atoj Tzij ri’, rech tob’anik chech ri Dirección General rech ri Sistema Penitenciario (DGSP) ri’, xuquje’ rech pa le kaq’axexik ri e itzelalaj taq b’anol k’ax, rech kejach b’i ri keb’e pache’ q’atb’al Tzij naj ri’ xuquje’ chech ri GBR ri’.