Are taqim b’a’ kasolixik ri eqa’n che ri taqom loq pa Ixim Nimatinamit pa taq le barcos pa le Portuaria Quetzal, Puerto de San José, Escuintla, kumal ri reqa’lenel ri División rech Puertos, Aeropuertos xuquje’ Fronteras (DIPAFRONT) rech ri Wokajil Ajchajil Tinamit (PNC), e pa junab’ ri’ e solim chik 2 mil chi kaxonach’ich’ pa le nab’e wuqub’ ik’ rech pa junab’ ri’.
Pa le b’anoj solinem pa taq le kaxonach’ich’ xetatb’enik ri reqa’lenel ri Superintendecia rech Administración Tributaria, ri Subdirección General rech Análisis rech Información Antinarcótica xuquje’ ri rech Personal Portuaria ri’ pa utzukuxik ri jastaq taqom loq pa taq k’ayij pa Ixim Nimatinamit ri’.
Eri Elías Rodríguez, Taqanel rech DIPAFRONT, xub’ij are wa’ taqim ub’anik ri’ kumal ri ajchajinel rech pa taq le puertos xuquje’ rech uq’atexik ri jastaq maj pa usaqil pa we amaq’ ri petinaq loq pa taq le kaxonach’ich’ rech eqa’nib’al ri’.
“Pa le Wokajil chajinem ri’ e k’o e 200 reqa’lenel ri taqom che chajinik pa taq puertos rech uq’atexik ri jastaq maj pa usaqil taqom loq pa tinamit ri’, emu wa’ kamik man k’ot jastaq maj pa usaqil raqom tane’ rumal ri jun itzel yab’il katajinik”, xcha’ ri Taqanel rech DIPAFRONT.
We kamik eri Wokajil (División) ri’ k’o oxib’ puertos kakichajij are wa’ Ri Portuaria Quetzal, APM Portuaria Privada, Puerto Santo Tomas de Castilla, xcha’ ri Rodríguez.
Eri nima’q jukub’ ri’ are e petinaq loq pa Asia, Francia xuquje’ pa nik’aj tinamit naj, chi upam taq e petinaq wi loq ch’ich’, atz’iyaq, peraj atz’iyaqil, jastaq pa uk’alajil rech katijik, eri q’atb’altzij xkib’ij k’ut eri kaxonach’ich’ eqa’nib’al ri’ are xsolixik ruk’ ri binomio K-9 chi’ k’ut qas xsolin wi ri Can Barry ri k’a te xel loq pa tijob’enik.
Eri q’atb’altzij xkitzuj loq eri tzukunik ri’ are katajinik ruk’ ujikomal usaqil kchak ri reqa’lenel ri wokajil ajchajil tinamit ri’.