Eri Wokajil Japache’ waqxaqib’ ik’ chik pa junab’ ri’ k’o 70 chi tzukunik tajin kub’an pa le 21 japache’ pa we amaq’

Are wa’ xtaq ub’anik we kamik kumal ri q’atb’altzij rech ri Ministerio rech Gobernación, pa uwokob’anik rumal ri Ukab’ Taqawokajnel ri’ xuquje’ rumal ri K’amoj ub’e ri Sistema Penitenciario (DGSP) pa le nab’e q’ij rech enero pa le 31 rech agosto rech pa junab’ ri’ k’o 72 chi b’anoj tzukunem b’anom chik pa le 21 chi japache’ tz’apib’al ri’.

Eri b’anoj tzukunik ri’ are pa amaq’el xb’an pa le japache’ ri’ xuquje’ ruk’ wa’ are xtaqixik ri e itzel b’anoj k’ax kumal ri e tz’apil chi’ xuquje’ rech uq’atexik ri itzal jastaq rech kakoj ta b’i chi’ kumal ri winaqil ke’opan pa solinik chi’, pa taq le kijasaq kik’amom b’i kuk’ pa taq le japache’ ri’.
Are wa’ uwach ri b’anoj tzukunem ri’ xb’antajik pa le xraqataj wi 300 chi ch’a’wib’alil rech reqam, ruk’ 80 chi chips ri’ ruk’ nik’aj puch’b’al qupib’al ri’.

Xuquje’, rech kaya’taj pa ujikomal taqanem chi’, eri k’amal b’e rech ri Sistema Penitenciario ri’ kitaqom ub’anik keb’ kiq’axaxik ri ajpache’ e tz’apil chi’, rech wa’ uq’atexik b’anoj toq’inik pwaq panoq chi’ pa le japache’ ri’ xuquje’ rech qas kab’antaj kachajixikri’.

Pa le 29 rech enero ri’ xeq’axaxik e 236 chi e ajpache’ che ri e k’o panoq pa le japache’ kech achijab’ Fraijanes II rech xeq’axax loq pa le Centro Constitucional kech ajpache’ Pavoncito k’o pa Fraijanes, are wa’ xkib’ij ri q’atb’altzij, rech kab’antaj kachajixik xuquje’ rech kasuk’umaxik ri nima japache’ ri’, rumal k’ut ri jun itzel yab’il rech ri coronavirus Covid-19, xkoj chi’ jun Nimaja rech Kekunax wi e ajpache’ xuquje’ rech kekunax che ri Covid – 19 Fraijanes 2 ri’.

Jeri’ pa le 20 rech agosto xb’an ri ukab’ kiq’axaxik e 42 chi e ajpache’ rech ri Barrio 18 pa le nima japache’ “El Infiernito” ri’, pa le Japache’ kech Achijab’ rech ri zona 18, pa jun nimaja xetas wi chi la’ k’ut, are wa’ xb’anik rech xq’atexik uchuq’ab’ ri b’anoj toq’inik pwaq pa taq le japache’ xuquje’ rech kak’oji juntir pa jikomal ri’.

Alerta de Corrupción

Ultimas noticias