Eri kichak ri chikijujunal ri achi xuquje’ ri ixoq che ri kechakun pa le Wokajil Ajchajil Tinamit (PNC) are k’o nim upatanib’al ri chakunem tajin kakib’an tinamit winaqilal rech kub’al ib’ kek’oji konojel ri winaqil ri’, rech kawok pa jun utzilem kik’aslemal ri winaqil pa ronojel ri qatinamit.

Eri nimk’amol b’e tinamit Bernardo Arévalo, k’a te xub’ij “kojtajin che ya’ik uchuq’ab’ uloq’axik ri chak tajin kumal chi kijujunal ri e ajchajil tinamit, rumal k’ut eri ix ix qajib’al qaq’ab’ uj pa le uwa’lijsaxik uwach ri jun k’amq’ab’ ruk’ ri winaqil tinamit. Qeta’m uj jachin kakikoj ri ri atz’iyaqb’alil ri’, e loq’ taq winaq ri kachalal, kixoqil k’alk’uwal, k’o ri tajin kakib’isoj kakichomaj, k’o ri kinaqajim xuquje’ k’o ri k’axk’olil kakik’ulmaj ruk’ taq kawinaqil xuquje’ kuk’ ri winaqilal pa tinamit.

Eri K’amol B’e Amaq’ sib’alaj xub’ij ri reqele’m upatan ri’ are rech ya’el kichuq’ab’ kub’alil ri wokajila e ajchajil tinamit, rech are kakib’an jun k’ak’ ub’anikil chajinem kub’a’lil, pa le qas unimaxik ri utaqanik, jeri’ rech qas kanimax ri Saqilem Ya’talil chi ke kawinaqib’ ri jujun taq e ajchajil tinamit. “Qacholajisam chik ri jujun taq chak kab’anik rech kuya uchuq’ab’ ri wokajil e ajchajil tinamit, emu wari’ rech uk’amom rib’ uwach pa ronojel, pa saqilem xuquje’ ri qastzij ri’”.

Rumal ri’ eri ministro rech Gobernación, Francisco Jiménez xub’ij “eri nimatat k’amol ub’e ri nimatinamit Amaq’il are k’ut ri qas xuta chuwe rech kichakun pa jun utaqib’alil ri Ub’anob’alil ri Ya’ohajinem pa Tinamit chi uxe’ rech ri juntir nimab’al ri ya’talil chi ke jonel ri winaqilal. Rumal ri’ qas kinb’ij pa k’isb’al ri’, rumal k’ut ri ix ix k’amatil pa le nimab’al ri’, ri are la’ k’o chi re man utz ta kakilo ri nik’aj chik winaq, winaqilal ri’.

Eri nim patanem ri’ sib’alaj xub’ij che ri upatanib’al ri chakunik pa k’amq’ab’tzij kuk’ ri winaqil xuquje’ kuk’ ri wokaj e aj qaxel tzijolinem pa tinamit, rech xutaqij ub’ixik ri utzilaj chakunem kub’an pa le utaqanik, rech b’a sib’alaj katob’an pa le jikom q’atanik pa tinamit, rech kuya uchuq’ab’ ri wokajil chajin tinamit xuquje’ ri utzilaj k’amoj ib’ k’amq’ab’ kuk’ konojel ri winaqil pa tinamit. Rech “man rech ta chuwe’q, rech kab’an ri chajinem kimik”, xcha’.