K’o Q263 millones chi pwaqil rajil ri tiko’n awan kunb’al xriqitaj ri’
Rumal katajin unimaxik ri ub’e’al b’anoj q’atenem chi ke ri narcotráfico, eri reqa’lenelab’ rech ri Subdirección General rech Análisis rech Información Antinarcótica rech ri Wokajil Ajchajil Tinamit (PNC), pa le nab’e q’ij rech enero pa le 10 rech febrero rech pa junab’ ri’, xkib’an k’i taq tzukunem, solinik ri’ xuquje’ k’o tiko’n rech awan kunb’al xkiriqo xuquje’ xporoj pa rulewal qatinamit.
Pa le b’anoj chakunem ri’, eri ajchajinel rech q’atel awan kunb’al k’o jun 1 millón 212mil 478 chi tiko’n ichaj rech coca ri’ xuquje’ k’o 669 mil 979 raqan ichaj tiko’n rech marihuana xkiriqo xkiporoj ri’. Eri juntir ri xriqitaj ri’ eri raji are Q263 millones 366 mil 905 ri’.
Eri tiko’nib’al rech ri awan kunb’al ri’ are la’ xkiriqo nimaq’ chik raqan ri’, chi la’ pa taq le juyub’ab’alil rech Chinab’jul ri’, Petén ri’, Izab’al ri’, Santa Rosa ri’, y Chuwi’meq’ina’ ri’.
Eri tzukunem xb’antaj kumal ri wokajil ajchajil tinamit pa junab’ ri’, are la’ k’o jun utzalaj upatan xub’an pa uriqik ri awan kunb’al ri’, pa le kachapik ri winaqil rech xetaq b’i pache’ q’atb’al tzij rech pa nimatinamit naj, rech k’o jastaq xuquje’ pwaq maj pa usaqil xriqitaj ri’.