Ri Cholb’anal Kumal Ajtijoxelab’ xe’umol ri ajpatanelab’ amaq’il, ri tijonelab’ ruk’ ri winaqib’ rech kya’ uq’ijol ri amaq’ tinamit.
Jun nimalaj nimaq’ij rech ri tinamit xnimax pa le Cholb’inib’al Kumal ajtijoxelab’, ri xeq’ax pa taq ri b’e rech ri Uwi Nimatinamit. Chi kijujunal ri tijoxelab’ rech q’ojomab’al xkikoj kitz’iyaq rech nimaq’ij rech kecholb’inik ruk’ nimalaj k’aslemal, ruk’ ch’uch’ujil xuquje’ ruk’ jikomal, che uya’ik uq’ijol ri tinamit Iximulew rumal ri 205 ujunab’al kil ri uch’o’jojil uya’ik ujilob’al.
Xkib’ixoj taq ri su’, xkiq’ojomasaj ri liras, ri xkiq’ojomasaj ri tun kub’an k’ajchan, ri tun katumumik, ri cholb’inik kumal ajtijoxelab’ rech ojer na’tisab’al, rech Ab’ya Yala, rech marching band, xkiq’ojomasaj k’ilaj taq b’ixob’al pa le cholb’anal kib’inib’al ri xkimajo pa le 7ª avenida xuquje’ 18ª calle, zona 1 rech uk’u’x nimatinamit, rech te k’u ri’ xeq’ax k’u b’i pa le Plaza de la Constitución, te k’u ri’ xeq’ax b’i pa le Paseo de la Sexta, ri xk’is pa le Parque Jocotenango, zona 2.
Ri k’amal b’e rech ri Amaq’, Bernardo Arévalo, ruk’ ri ministro rech Gobernación, Marco Antonio Villeda, ri ministra rech Tijonem, Anabella Giracca, xuquje’ ri patanelab’ ri Amaq’, ruk’ nimalaj ki’kotisab’al xkiya rutzil kiwach xuquje’ xkiya uq’ij ri uq’ijol kanima’ ri ajtijoxelab’ are chi’ xeq’axik chi uwach ri Palacio Nacional rech ri Uk’u’x Amaq’.
K’a chi la’ pa taq ri tak’alib’al winaqil xetob’anik che ub’ixoxik ri b’ixob’al xuquje’ xkib’ij tzij rech ki’kotib’al chi ke taq ri ajtijoxelab’ rech taq tijonib’al. Xkitunu kiqul ri k’ilaj taq winaqib’ kuk’ rech junam xeb’ixonik, xkunataj pa taq le b’e pa tinamit che ri raxkaj ruk’ saq.
Ri taqanelab’ rech chuwe’q kab’ij rech ri Wokaj Ajchajil Tinamit (PNC), kuk’ reqa’lenelab’ ri Benemérito Cuerpo Voluntario recjh Bomberos rech Iximlew, kuk’ ri Policía Municipal xuquje’ kuk’ ri Bomberos Veteranos, xkimol kib’ pa le nimaq’ij rech ri amaq’ tinamit. Pa le kiq’axik, sib’alaj xya ri kiq’ij pa le kichak kakib’an ri’, pa ub’anik ri utzilem ce ri amaq’ tinamit.
Eri bandas Comunitarias Juveril rech ri Unidad rech ri Prevención Comunitaria rech ri Q’ateb’al Q’oxomal (UPCV), ri wokom uwach kumal taq ajtijoxelab’ ri kepe pa taq ri colonias rech taq ri zonas 18 xuquje’ 21, ri k’ate xek’oji pa le cholb’anal kib’ininik ri e q’apojib’ ajtijoxelab’. Pa le uq’ojomaxik ri b’ix kich’ob’om chik ri ab’omab’ alitomab’ ri je’lb’anob’al kumal xuquje’ rech kakeche’j ri uwokiq’ij pa utzilem.