Rumal xe’opan ri ajchajil tinamit xub’ano che man xk’am ta b’i jun winaq kumal nik’aj ajb’anol k’ax, ri xb’antaj kowonem xechapik nik’aj winaq che ri xkib’ano che kik’amom b’i jun wuj rech taqom tane’ uchapik ri winaq ri’
Jun aninaq b’anom chak kumal e ajchajil tinamit xub’ano chi xechap oxib’ achijab’ b’anöl k’ax we q’ij ri’, aretaq keb’in pa jun ch’ich’ pa ri kilómetro 53.5, ri ojer b’e rech Palín, Escuintla. Chupam ri ch’ich’ k’o jun achi ruk’ 50 ujunab’, ri xchap kumal wari’ ruk’ jun wuj rech chapoj ri man tzij taj.
Ri kib’i’aj nik’aj achijab’ xechapik are a Ramón “N”, 50 ujunab’; a Antonio “N”, 43 ujunab’, “El Lic.” kab’ix che; xuquje’ ri jun colombiano a Jhon “N”, 50 ujunab’, kab’ix “Comandante” che, ri xkikoj kib’ jacha tane’ e’ajtzukul winaq rech ri Wokajil Ajchajil Tinamit ub’i’ (PNC).
We achijab’ ri’ xkaj ri achi man kel ta chi loq, xuquje’ te k’u ri’ xkita pwaq chi ke ri e rachalal rech kesax loq pa k’ax, rech kakitzoqopij loq.
Ri PNC xuya ub’ixik chi ri Antonio “N” k’o utzijol che xb’an ri elaq’ xuquje’ okinaq chi awalil pa taq ja. Xuquje’ kab’ixik chi we achi ri’ k’o uq’ab’ utzij pa taq okem pa taq kachoch winaq pa awalik.
Xk’ulmatajik
Aretaq xeq’atexik, ri ajb’anol k’ax kikojom kib’ che e’ajtzukunelab’ ruk’ jun ch’ich’ jun talab’al xuquje’ jun k’ulb’al tob’al ib’ k’o ketal jacha tane’ e’ajchajil tinamit.
Ri achi xreche’j le q’ij ri’ xuquje’ xuta’o utob’anik chi ke ri e’ajchajinelab’ rech ri Comisaría 31 rech ri PNC, ri xkito’ aninaq, xkesaj loq pa k’ax xuquje’ xkichajij.
Pa le ch’ich’ kib’inisam xriqitaj wi ri k’olib’al jolomaj (pasamontañas), ri pawi’aj, jun rijxa’ tob’ab’al ri k’o ketal jacha tane’ ruk’ ri rech ri División Especializada rech Investigación Criminal (DEIC), ri karex ch’ich’ rech ximoj q’ab’aj), xuquje’ taq wujil ri man tzij taj.
Tzukunik
Aretaq xtzukux chi upam taq riwuj rech ri chajinem tinamit, ri ajchajjil tinait xkilo chi maj jun chi ke we achijab’ k’o ub’i’ pa le PNC. Konojel xek’am b’i chi uwach ri q’atb’al tzij rech kak’is usuk’amixik ri kitzijol.
Ri utzukuxik we k’ax ri’ umajim chik rech kilitaj jas xub’ano. Are k’u ri achi ri xresaj rib’ pa k’ax, k’o utz uwäch xuquje’ xkanaj kan pa kikiq’ab’ ri e ajchajil tinamit.