Pa le q’ij ri’, pa le Club rech Oficiales rech ri Brigada rech Infantería rech Jutiapa xb’an wi utz’apixik ri Tijonem rech Q’atenik Awan Kunab’al ri’, rech ri cholchak ub’i’ “Por un mundo libre de drogas”. Ri are xk’am ub’e ub’anik rumal ri Ukab’ K’amal B’e Amaq’ Karin Herrera; ri Viceministro rech Antinarcóticos, Werner Ovalle; ri Secretario Ejecutivo rech ri Secretaría Ejecutiva rech ri Comisión Q’atenik Adicciones xuquje’ ri Tráfico Ilícito rech Drogas (SECCATID), Hugo Meda, xuquje’ ri taqanel rech Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC), Wuilber Arreaga ri’.

Eri k’amoj reqale’n etamanem ri’ are xya chi kech ri 116 chi reqa’lenelab’ ri SGAIA xetaq pa le  reqa’lenel ri rachoch ri tijonem ri’, ri k’o oxib’ ik’ xetijoxik rech q’atenik ri tijow awan kunab’al, rech b’a’ kajipixik ub’ixik ri q’atenik ri’. Rumal ri’ eri Ukab’ K’amal B’e Amaq’ Herrera ri’, xub’ij che are wa’ jun nim chakunem katajin chi kech ri e ajchak pa tinamit, “are wa’ jun cholchak rech tijonik ri sib’alaj utz pa le q’atenik taq k’ax rech tijow awan kunab’alil chi kech ri  ab’om alitom ri’. kuk’ ri eqa’lenelab’ ri xkik’iso uwach katijoxik ri’ rech ke’ok pa chajin winaqilal ri’.”

Le nim nan k’amal b’e xub’ij chi e k’o 500 chi reqa’lenel ri xetijoxik ri’ pa nimtijonem ri’.
Eri Viceministrro Ovalle xub’iij eri ya’ol uchuq’ab’ ri’ are nim upatanib’al pa le ub’e’al q’atenik tq awan kunab’al ri’, rumal ri’ e k’o 20 mil chi winaqilal xetijox ri’ rech uq’atexik ri tijow awan kunab’alil xuquje’ ri q’atenik k’ayin awan kunab’alil.

Xuquje’ ri Ovalle xub’ij che rajawaxik jun ub’e’al ub’anik kumal konojel ri tijob’al k’o ajchoq’e, ri tijojb’al kuk’ taq ri nimatijob’al rech e are kakik’exo uwach xuquje’ rech kakiq’atij ri awan kunab’alil rech kopan taj utijik pa taq ri rachoh taq tijonem ri’. Eri k’uttijonem ri’ are la’ xya’taj kumal reqa’lenel ri q’aenik ri k’ax rech ri SECCATID.