Eri ministro rech Gobernación, David Napoleón Barrientos xujaq uwach ri cholchak rech kaya rachoch jun subestación rech ri Wokajil Ajchajil Tinamit (PNC), pa le barrio El Llano, San Luis Jilotepeque, Jalapa, rech kuya jun nim uchuq’ab’ ri ya’olchajinem winaqilal pa we Amaq’ ri’.
Pa le b’anonem ri’ xuquje’ xek’oji ri k’amal b’e ri Organismo Judicial xuquje’ rech ri Corte Supream rech Suk’umalil, Silvia Patricia Valdés, ri K’amal b’e rech ri wokajil ajchajil tinamit, Héctor Hernández xuquje’ ri ajkalte rech tinamit, Juan Alberto Pérez ri’.
“Eri uyakik ri k’ak’ rachoch chajinem tinamit chi’, are la’ kuq’ansaj uq’ij kichak ri e ajchajil tinamit rech kuya jun nim chajinem chi ke ri winaqilal ri’, nati’l chaqe eri uj ajchajil tinamit ri’ k’o qatz’iyaqb’al rech chajin tinamit ri’” xcha’ ri ministro Barrientos.
Eri taqawokajnem rech ri ya’olchajinem ri’ xub’ij che we jun cholchak ri’ are kumaj ub’anii ri rachoch taq k’olib’al ya’olchajin tinamit ri’, rech kayak pa junam q’ijol ri’ pa San Luis Jilotepeque, San Manuel Chaparrón, pa San Pedro Pinula, xuquje’ pa Monjas, Jalapa ri’.
Rumal ri’ eri k’amal b’e rech PNC ri’, Hernández xub’ij che ri chak patan kumal ri wokajil ajchajil tinamit pa taq ri tinamit are sib’alaj k’o nim upatanib’al ri’ rech pa le kuwa’lijsaxik ri winaqilal pa juntir ri’. Eri yakonem ri’ are la’ rech kuya nim chajinem chi ke ri winaqil e aj iximulew ri’.
Eri k’ak’ rachoch chajin tinamit ri’ are k’o jun upam nimaj rech kek’ul apanoq ri winaq ke’opan ri’, k’o jachakub’al chi upam, jun b’anob’al uwa ri’, k’o jun tijob’al uwa ri’, k’o jun kewiq wi k’aqb’al ri’, k’o kewar wi ri’ xuquje’ k’o uch’ajamab’al ri’. eri yakon nimaja ri’ are la’ kajach pa le nab’e uwach wuqq’ij pa le 2023 ri’-