Ruk’ kachomaxik ri winaqilal ri’ xuquje’ rech k’o sib’alaj chajinem chi ke ri’ are la’ taqim ub’anik pa taq le Gobernaciones Departamentales ri’, rumal ri’ we kamik k’o jun riqoj ib’ xb’an ruk’ ri Ministro rech Gobernación, Gendri Reyes, xuquje’ ri viceministro rech Prevención rech ri K’ax, Carlos García Rubio, xuquje’ ri Viceministro rech Seguridad, Carlos Franco, ri Quinto Viceministro, Fernando Manolo Rodas xuquje’ ri Taqanelab’ rech ri Wokajil Ajchajil Tinamit pa le Rachoch ri Taqawokajil Ya’olchajinem pa Amaq’.
Eri taqawokajnel Gendri Reyes, ri are xubij eri taqim uchomaxik pa le jun riqb’alil ri’ are rech kakitunu kichak kichuq’ab’ ri q’atb’al tzij rech taq tinamit, ri Gobernadores xuquje’ ri taqanelab’ rech ya’olchajin winaqilal ri’.
Jeri’ xub’ij chi ke ri reqa’lenel ri PNC xuquje’ ri Gobernadores rech kakiterenb’ej ub’anik pa komonchak ruk’ ri viceministro rech Seguridad, rech kasolixik kichak ri e ajchajil tinamit pa le chajinem winaqilal ri’.
Rumal ri’ eri viceministro rech Seguridad, Carlos Franco, xub’ij che ri xb’antaj kowonem xchomataj pa le riqb’alil, eri jujun gobernador ri’ rajwaxik kutaq jun ub’ixikil uchak chi ik’ xuquje’ chi rij ri ropanik ub’anik pa taq le comisarías xuquje’ pa taq rachoch e ajchajil tinamti pa we amaq’ rech we xtoq’ij ri’ che uq’atexik b’anoj k’ax chi ke ri winaqil e aj iximulew ri’.
“Eri gobernadores rajwaxik kakiriq kib’ kuk’ nik’aj chik wokajil patanel rech kakiya’ ub’ixik ri ub’e’al chajinem kakib’an pa taq katinamit”, xcha’ ri Franco ri’.
Eri gobernadores ri’, k’ax ub’anik ri chak ri’ kumal emu wa’ ruk’ katob’anik ri q’atb’al tzij rech ri Taqawokajnem Ya’olchajinik pa Amaq’ kab’antaj kowonem ri’ kab’antaj ri ya’olchajinem winaqil xuquje’ kachomataj ri’ kaq’atataj ri’ ri ka’x kub’an k’ax chi ke.
Jeri’, eri Tercer Viceministro rech Prevención, Carlos García Rubio, xub’ij k’ut eri uwachtzijonem rech ri komon chomanem pa taqawokajil are la’ qas uq’atim uwach ri k’ax ch’a’ojinik pa taq tinamit., “eri chomanem ri’ are k’o utz ub’anom ri’, rumal k’ut ri komon chomanik kuk’ ri rajchomanel ri empresas che ri e ajk’ayil k’amq’aq’ xuquje’ ri winaqilal ri’”.
Eri Fernando Manolo Rodas, Quinto Viceministro, xuta chi ke ri gobernadores rech pa komonchak kechakun b’a’ kuk’ ri PNC , rech maj jun winaq kutij awan kunb’alil pa Iximulew ri’, are la’ qachak qonojel”.
Eri jujun taq Gobernador ri’ rajwaxik kakitaq b’i jun ub’ixikil kichak kib’anom rech tob’anik chi ke kuk’ ri PNC rech k’o jun utzalaj k’ojilem chi kuwach ri winaqilal ri’.