Eri viceministro rech Seguridad rech ri Ministerio rech Gobernación Gendri Reyes, xuk’am ub’e ri b’anoj chomanik kuk’ ri q’atb’altzij rech ri Comisión Interinstitucional rech uq’atexik Contrabando xuquje’ ri Defraudación Aduanera (COICON), are wokajil katajin che uchomxik rech uq’atexik uwach ri b’anoj elaq’nik pa taq aduanas pa we amaq’.
Pa we riqb’al ib’ xetatb’en wi ri Viceministro rech Na’ojib’al rech Tob’anem xuquje’ Cholchak rech ri Ministerio rech ri Defensa, Sergio Reyes Cifuentes; ri Intendente rech Aduanas rech ri Superintendencia rech Administración Tributaria (SAT), Werner Ovalle; ri Fiscal rech ri Fiscalía rech uq’atexik Contrabando xuquje’ ri Defraudación Aduanera rech ri Ministerio Público, Rossana Pérez ri’.
Eri komonchak kumal ri taqawokajil ri’ are b’anom chik xuquje’ are xuya’ utz retal ri chajinem xb’antaj pa le 29 rech enero, aretaq xechapataj loq e kab’lajuj chi winaqil eri kimak k’o elaq’nik xkib’an pa taqawokajil pa we amaq’ are chi’ xkeleq’aj Q 50 millones ri’.
Chi rij wari’ eri Ministerio Público xuya’ utzijoxik che ri jun molaj b’anol k’ax ri’ are xreleq’aj ri jastaq pa le uk’olib’alil ri aduana k’o pa le Combex-IM, pa le aeropuerto Internacional La Aurora ri’.
Eri viceministro Reyes xub’ij che ri rumal ri’ terenb’em ri b’anoj utzukuxik uwach rech uq’atexik ri b’anoj k’ax ri’, jacha’ ri xb’an kanoq are chi’ xraqataj ri jun b’anoj elaq’ rech Q 50 millones ri’, jacha’ ri ajilam uwach ruma ri Superintendencia de Administración Tributaria (SAT) ri’.