’
Eri k’amal b’e Amaq’ Alejandro Giammattei, xuquje’ ri Ministro de Gobernación, Edgar Leonel Godoy xe’opan pa solinem pa le Japache’ rech Q’atb’altzij rech Xe’laju’, pa le ukab’ q’ij chik rech ri B’anoj Taqawokaj ri Jaqatil uwach ri’, ri xkoj pa le tinamit rech Salcajá.
Eri taqawokajnel rech ri Ya’olchajinik pa Amaq’, aretaq xtaq utzijol che chi rij ri q’atib’al retal ch’awib’alil ri’ ri are xub’ij che rachb’ilaj ri K’amal b’e Amaq’ iwir rech xopan pa rilik ri b’antajil pa le japache’ rech Q’antel ri’, rech xkichomaj kuk’ ri wokajil rech ri keb’ ch’awib’alil ri’, rech taqim pa aninaqil uq’atexik ri b’anoj k’ax ri’.
Xuquje’ xuya’ ub’ixik che k’o chik k’i kolob’ch’ich’ esam chi’ xuquje’ katajin resaxik ch’awib’alil ri’ pa taq le b’anoj tzukunem b’anom chi’.
Xub’ij chik, are wa’ kateremb’ex uq’atexik ri b’anoj q’ub’an itzelb’anik pa le Wokajil Japache’ ri’ rumal k’ut xilotajik eri e tz’apilik ri’ e are kakitaq loq ub’anik k’ax chi saq ri’”.
Eri K’amal b’e Amaq’ xuquje’ uj sib’alaj kaqaj k’ut kojtzijon kuk’ ri wokajil ajchoq’e ri ch’awib’alil rech pa aninaqil kakiq’atij retal ri’ rumal k’ut k’o nimalaj pwaq pa dólares xuquje’ rumal ri’ katajin ukojik ri’, xcha’ ri Ministro.
Pa aninaqil k’ut eri b’anoj tzukunik katajin ri’, ri Godoy xub’ij che rumal ri’ xek’ex ri taqanel che ri e k’o pa jujun taq jachakunb’al rech ri Wokajil Japache’, are rech kaq’atexik majun jastaq maj pa usaqil jacha’ ri ch’awib’alil, ilowachb’al, jorob’sab’al ruk’ nik’aj chik jastaq kekoj ri’, rech ke’ok ta chik pa le japache’ tz’apib’al ri’, xuquje’ are rech kilik wexa’ k’o pwaq katoj chi ke ri’ rech kakiq’axaj tane’ chi’.
Pa k’isb’al ri’ xub’ij eri Wokajil Ajchajil Tinamit rachb’ilam ri taqawokaj patanel amaq’ ri’ pa taq le ub’ik ri’ pa we amaq’ ri’.