Katajin uchomaxik ri kak’oji ri joremal pa le komon winaqil rech Santa Catarina Ixtahuacan ruk’ Nahualá ri’

Eri Viceministro rech q’atel k’ax ri’, Carlos Rubio xuya’ ub’ixik katajin upatanixik ri xutaq uloq ub’ixik rumal ri K’amal b’e Amaq’, Alejandro Giammattei xuquje’ rumal ri Ministro rech Gobernación Gendri Reyes, ri xtaq ub’ixik che ri Tercer Viceministerio rech uterenb’exik ri uchomaxik rech kaq’atexik ri ch’a’ojinem k’o chi kuwach ri winaqil rech Santa Catarina Ixtahuacan xuquje’ Nahualá rech rulewal tinamit rech Tz’oloja’ ri’.
 “K’o jun ch’a’ojinem kib’anom ri winaqil ri’ are wa’ rajwaxik pa komon uch’ob’ik uchomaxik kab’anik rech uq’atexik ri nab’e ch’a’ojinem xb’antajik are wa’ kachomax kumal rajtaqo’n ri k’amal b’e amaq’ rech ke’achb’ilan pa taq le jalajoj chomanem kab’an ri’ kuk’ ri ajk’exwach q’atb’altzij rech jujun taq uq’ab’ tinamit ri’”, xcha’ ri Viceministro.
K’o ri rajwaxik ta’om xuquje’ ri rajwaxik kachomax chi ke ri winaqilal ri’ are wa’ rech kataq ub’ixik chi ke ri e ajchajil tinamit rech are wa’ ri kakipatanij ri’ jeri’ ri taqawokajilal che ri ketob’an ri’ jacha’ ri Wokajil Ajchajil Amaq’ Iximulew xuquje’ ri Ministerio rech Agricultura e are e wa’ chi uwach ri ch’a’ojinem ri’ xuquje’ ri k’i mul kiriqom kib’ rech e chomaninaq chi rij ri’ kuk’ ri winaqilal ri’ ri kijachom ub’ixik ri rajwaxik chi ke rech kechomaxik are wa’ rech ya’el uchuq’ab’ ri ya’olchajinem pa taq le keb’ rulewal tinamit ri’, xcha’ ri Viceministro García Rubio.
Are k’o nim upatanib’al ri ronojel chomam ri’ rumal k’ut are tzijob’em rij, xuquje’ b’anom ch’ob’oj chomanik chi rij ri jun ch’a’ojil rech kaq’atexik xuque’ are wa’ pa le unimaxik ri Ya’talil Winaqil ri’.