Eri ajeqa’lenel rech ri Subdirección General rech Investigación Criminal (SGIC) rech ri Wiokajil Ajchajil Tinamit (PNC), ruk’ katob’anik rajq’atol tzij ri Ministerio Público (MP), ri xkib’an k’i b’anoj tzukunem ri’ rech kakiq’alajisaj uwach ri xub’an ri k’aqanik chi re jun ajtijoxel 15 ujunab’, are chi’ kariqitaj pa tijonik pa le gimnasio municipal rech Colomba Costa Cuca, Xe’laju’ ri’, ri kojom kumal ri q’atb’al tzij rech tijonem rumal ri chak tajin rumal usub’exik ri rachoch tijob’al ri’.
Pa le tzijolinem ri’, eri Ministro rech Gobernación, Francisco Jiménez sib’alaj xub’ij che ri ajeqa’lenel rech ajchajil tinamit sib’alaj kekowon che uq’alajisaxik ri k’ax xk’ulmataj ri’. xuquje’ eri Jiménez nimpatanel ri’ xub’ij, che xe’utaq ri’ le Grupo Especial Contra Extorsiones (GECE) xuquje’ rech ya’ik kichuq’ab’ ri b’anoj chajinem q’atenik k’ax pa le tinamit ri’. “Rumal k’ut eri qapatan uj rech kojuxlan taj rech kaqaq’alijsaj uwach wari’ xuquje’ rech kaqaq’atij”, xcha’.
Rumal ri’, eri K’amal B’e rech ri PNC, Davis Custodio Boteo, sib’alaj xuch’ob’ ucholaj ri xk’ulmataj ri’, rumal ri’ xutaq ub’anik puqchajinem tzukunik chi la’ k’ut, rech xtzukux upam job’ kachoch winaq ri’ rech xetzukuxik rech kichapik ri e ajmak ri’. xuquje’ eri Custodio Boteo xub’ij, “k’o ub’i’ ruk’ utzijol ri winaq ajmak ri’ ri xb’anoj ri k’ax rumal are uwinaqil ri maras ri pandillas che ri kakib’an ri k’ax pa tinamit ri’”.
Eri wokajil ajchajil tinamit man kitanab’im taj uwach ri b’anoj tzukunem ri’ rech kakiq’alajisaj ri’.
We chanim, e k’o keb’ winaq chik e chapom ri’, jun chi ke are ri ajb’anol ri k’aqanik, k’o jun k’aqb’al xriqitaj ri’ reh are kab’an le rilik usolixik rech kaq’alajisaxik we are xkoj che uk’aqik ri jun ala, ri sib’alaj nima’t xk’am b’i pa jun nimaja rech kunanem winaq rech kakunisax ri’”.