Pa ronojel q’ij ri’ eri reqa’lenel ri División Especializada rech Investigación Criminal (DEIC) rech ri Wokajil Ajchajil Tinamit (PNC) ketajin che utzukuxik kuwach jasche ri ak’alab’ xuquje’ e ri’j winaq e sachinaq ri’, rech kilik we xeleq’ax b’i, wexa’ rumal itzelal xesach ri’, rumal k’ut e pa le k’isb’al wuqq’ij ri’ e k’o e lajuj e q’apojil xesachik e k’o ixoqib’ xuquje achijab’ chi ke pa we amaq’.
Pa taq ñe le wokja, pa uq’ab’ tinamit xuquje’ pa tinamit ri’ xeraqataj wi loq ri’: pa Villa canales, pa Iximulew, pa Petén, pa Villa Nueva, pa Chinautla, pa Alta Verapaz, pa Amatitlán, Izab’al, pa Chiquimula xuquje’ pa Quiché ri’.
Pa konojel ri winaqil e raqom ri’ xa’ kitzaqom kanoq kachoch rumal kakik’ulmaj b’anoj k’ax chi ke’, rumal e k’o kuk’ nik’aj chik winaq, k’o che rumal xa’ kemoxirik, nik’aj chik rumal keleq’ax kijastaq ri’ xuquje’ k’o che man kaya’ ta katzijol pa le alertas Alba Keneth xuquje’ Isabel Claudina ri’.