Ri utz kachajixik ri kik’olib’al nima’q jukub’ rech palow, pa k’ulb’a’til xuquje’ pa taq ri q’axeb’al ri’ are jun chi rij ri nimalaj chomanik “Chajienm pa le komon wokajilal ruk’ ri k’ayinem kuk’ ri amaq’ib’”, xb’an rumal ri Gremial Técnica Logística (GRETECA), pa le kechoman wi ri q’atb’al tzij kuk’ ajchomanelab’ rech taq wokajil k’o ajchoq’e ri’ rech xb’an uchomaxik ri toq’im chak rech uq’atexk ri molaj b’anol k’ax xuquje’ rech ya’ik uchuq’ab’ ri chajinem pa taq ri uq’axeb’al ri jastaq k’ayij.

Pa le chakunem ri’, eri viceministro rech Antinarcóticos xuquje’ Seguridad Fronteriza, Víctor Cruz, sib’alaj xub’ij chi k’o nim upatanib’al uya’ik uchuq’ab’ ri komonchak kumal ri taqawokajil xuquje’ ri chajinem pa taq le nimab’e ri keq’ax b’ixik k’ax kumal taq ajb’anol ri k’ax.

Le Cruz sib’alaj xub’ij che ri chajinem pa taq k’ulb’a’til are kumaj komonchak tob’anik, nim chajinem pa taq ri nimab’e kaq’ax wi ri k’ayij xuquje’ chajinem kab’anik rech kaq’atexik taq ri k’ax ri’. Jeri’ xub’ij ri’, sib’alaj k’o nim upatan kachajixik ri pa taq ri ub’e kaq’ax wi ri k’ayij kuk’ taq ri amaq’ib’ xuquje’ rech ya’ik uchuq’ab’ ri b’anob’al chajinem pa taq le uk’olib’alil.

Pa le riqonem ib’ xtatb’enik ri viceministro rech Marina rech ri Ministerio rech ri Defensa Nacional, a Williams Casasola; ri k’amal b’e rech ri Cámara Empresarial rech Comercio xuquje’ Servicios (CECOMS) ri’ xuquje’ ri Asociación Gremial Guatemalteca rech Importadores rech Maquinaria Agrícola ri’, ri rech Construcción xuquje’ Industrial (AGIMACI), a Ernesto Morales Arana; ri ukab’ k’amal b’e rech ri CECOMS, a Armando Vega; ri k’amal b’e rech GRETECA, a Ernesto Morales Pinzón ri’, xuque’ ri ajchomanelab’ rech ri k’ayb’al k’o ajchoq’e’ib’.