Le nimalaj q’atb’al tzij rech Gobernación, a Marco Antonio Villeda, xub’ij che ri a Erick Rolando Osoy López xok che rajk’amal ub’e ri Wokajil Ajchajil Tinamit (PNC) xuquje’ ri a Selvin Solano Galicia xok che ukab’ k’amal b’e rech ri Operaciones ri’. Eri e’are ri’ xekojik, are uwach taq ri b’anob’alil tajin ub’anik rech ya’el uchuq’ab’ ri k’amoj b’e, ri puqtzukunem chajinik xuquje’ ri chajinem pa taqawokajil rech ri ajchajin tinamit.

Eri k’ak’ k’amal b’e te xekoj che keqale’n ri’ are la’ tajin ub’anik rumal ri Ministerio rech Gobernación rech kuya uchuq’ab’ ri solinem chak kumal taq ri k’amal b’e, ri utzila b’anob’al pa taqawokaj ri’ xuquje’ rech reqale’xik taq ri puqtzukunem kumal ajchajil tinamit. Eri k’ak’ taq q’atb’al tzij ri’ e’are k’ut kakib’an pa jikomal, saqilal, xuquje’ le ub’ixikil chak b’anom.

Utzilal ruk’ uchuq’ab’ b’anik chak

Eri ministro Villeda sib’alaj xub’ij chi k’o nim upatan xekojik ri k’amal b’e pa suk’ilal ri’ xuquje’ rech kakik’am ub’e ri retaxik uwach chak b’anom, rech kakub’isax uwach ri wokajil ajchajil tinamit ri’ rech kunimaj ub’anik jacha ri kub’ij ri taqanem tzij xuquje’ ri k’amow ub’e ub’anik taq ri chak kumal ri q’atb’al tzij rech ri Amaq’ Taqaninel. Xub’ij k’ut che ri k’exnik xb’antaj ri’ are la’ uwach ri b’anow etanem chak che ri kitaqom ub’anik ri rajq’atb’al tzij ri Wokom Amaq’ rech kaya uchuq’ab’ ri chajinem kumal ri ajchajil tinamit, rech utzilaj ub’anik kakib’an ri solinem xuquje’ rech utzilaj kub’al k’u’x le rilik ri chak rech chajinem kakib’ano.

Eri q’atb’al tzij rech Gobernació xub’ij che ri k’ak’ taq q’atb’al tziij k’o jun nimalaj keta’mab’al pa uwi’ ri chajinem kakib’ano. Xub’ij che ri nimachak kakib’an ri ajchajil tinamit ri’, are pa le nim saqilal, ri b’anow puqtzukunem xuquje’ pa le unimaxik ri taqanem tzij. Xuquje’ xuya ub’ixik che rajawaxik kaya uchuq’ab’ ri Inspectoría General rech ri PNC rech ya’ik uchuq’ab’ ri b’anow chajinem, ri solinik xuquje’ pa saqilal ri’.

Ruk’ wa’ ri ya’el eqale’nchak ri’, eri Ministerio rech Gobernación kuterne’j ub’anik kak’exik pa kiwokajil ri PNC, chi uxe’ ri b’anow taqanik pa tinamit rumal ri taqawokajnem ri’ xuquje’ ruk’ uchuq’ab’ ub’ixik pa le uchuq’ab’irsaxik ri b’anow taq solinem ri’ xuquje’ pa reqale’nib’al ri wokaj q’atb’al tzij ri’.