Le k’amal b’e amaq’ib’ rech Iximulew ruk’ Estados Unidos rech América ri’ ketajin che ya’ik uchuq’ab’ ri kemon tob’anik kumal ri’ pa b’anow chajinem, pa uq’atexik taq ri narcotráfico xuquje’ ri nuk’molaj taq b’anol k’ax pa taq amaq’ib’. Eri b’anow chomab’alil ri’ are pa le uq’ijol ub’anikil taq ri nuk’chomab’al kumal taq ri keb’ amaq’ib’ ri’ le ketob’anik rech uq’atexik taq ri k’axk’olil pa rulewal taq tinamit.
“Le Iximulew xuq’alajisaj ub’ixik ri’ che maj kuya taj ri k’ulb’a’t juyub’ ri’, ri utaqawokajil, ri uchuwe’q kab’ij tane’ pa kaq’ab’ nik’aj molaj b’anol k’ax, xuquje’ xub’ij kaqamaltyoxij le utzij utaqanib’al le k’amal b’e amaq’ rech ri Estados Unidos rech América ri ketob’anik ruk’ ri qanimachak ri’”, xcha’ le k’amal b’e rech ri Amaq’ ri’, Bernardo Arévalo, are chi’ xmolin ruk’ ri comandante rech ri Comando Sur rech ri nimatinamit EE. UU.;l, Francis L. Donovan ri’.
Pa le riqonem ib’ xek’oji, le ministro rech Gobernación, Marco Antonio Villeda xuquje’ le taqawokajnel rech ri Ministerio rech ri Defensa Nacional (MDN), Henry Saenz. Are chi’ xutzijon chi rij le upetib’al loq le General Donovan ri’, le Embajada rech Estados Unidos pa Iximulew, pa le ub’anikil taq le keme’uwachwuj pa kaqiq’ rech taq q’atb’al tzij ri’, sib’alaj xub’an utzijoxik ri kemonchak kumal taq ri keb’ amaq’ib’ nimatinamit ri’ rech uq’atexik taq ri molaj b’anol k’ax e’ajk’ayin taq awan kunb’al xuquje’ ri e’itzelilaj taq narcoterroristas pa ronojel le rulewal taq amaq’ib’.
Nim taq nuk’chomab’al b’anom
Pa le riqonem ib’ sib’alaj xya uq’ij le Iximulew ri’ rumal are jun chi ke ri k’o nim upatan pa le Nimariqob’al ib’ rech uq’atexik taq nik’aj Molajib’ B’anow K’ax rech Las Américas xuquje’ xb’an ujachik utzijoxik ri xchakutaj uwach pa kemonchak ri’ rech xq’atexik ri itzelal k’axk’onem kakib’an ri narcotráfico pa taq le keme’uwachwuj pa kaqiq’ tzijolib’al, jeri’ ri nik’aj chik molajib’ b’anol k’ax che ri kakiya itzelal pa le b’anow chajinik, pa le jikom b’anem xuquje’ pa uk’iyemal pa rulewal taq amaq’ib’ nimatinamit ri’.
Xuquje’ xuk’am uchuq’ab’il taq ri b’anow kemonchak tob’anem ri’ rech nim kaq’atexik nik’aj molaj b’anol k’ax pa taq amaq’ib’ nimatinamit, rech ya’ik nim uchuq’ab’ ri b’anik chajinem pa taq k’ulb’a’t juyub’ xuquje’ rech k’o nim uchuq’ab’ ri chajinem pa rulewal taq amaq’ib’, rech kakub’isax ub’anik ri kachajixik ri winaqilal xuquje’ ri b’anow taq chajinem pa keb’ amqaq’ib’ ri’.