We kemetz’ib’al chakub’a ri’ kuya uchuq’ab’ ri chajinem pa uwi’ ri utz’ib’aexik ri ka’okem, ri kik’olib’em xuquje’ ri kelik ri taq ali, taq ala xuquje’ alab’om, alitomab’, kuk’ ri e q’apojib’ pa taq ri tz’apib’al winaq rech tinamit Iximulew.
Rech b’a’ utz pa cholajil, kub’al k’u’x, jacha ri kub’ij ri q’atw tzij rech kimik, eri solinik pa taq ri japache’ tz’apib’al pa tinamit Iximulew ri’, eri Nim Taqanel rech ri Taqawokaj Q’atow Tzij pa Japache’ Tz’apib’al ub’i’ (DGSP) xujaq uwach le jun uwach Kemechakub’al rech Cholajib’al Kib’i’ Kitzijol taq Ali, taq Ala xuquje’ e Qapojil Ab’om, Alitomab’ (NNA).
Pa le k’olib’al uwachwuj rech kematz’ib’alil: https://tramites.dgsp.gob.gt pa le rajawaxik kab’an utz’ib’axik kitzijol kib’i’aj, katzukux ri ya’b’al q’ij, te k’u ri’ katzukux uwach ri kitaqkil ri alitomab’, alab’om on k’ajolab’, taq ali, taq ala ri kekowinik keb’e che kisolixik ri kinan kitat ri e k’o pa rachoch japache’ tz’apib’al winaq.
Eri tat nan, on ri ajchajil rech ri ak’al rajawaxik kakikoj pa suk’ilal ri tzij katz’onoxik xuquje’ kakiya’o jun taqob’al tzij pa kematz’ib’alil ri tajin che upatan, rumal b’a’ pa le k’amal b’e taqonik ri’ kakik’ul wi ri tzijol rech ri umajixik utoq’ixik ri chak ri’, ri jalatajem pa le wujil xuquje’ ri uk’isb’al tzij rech ri tz’onob’al kachomatajik.
¿Jas ub’anik ri ub’eyal chakunem rech katz’ib’ax pa wuj?
Chi kuxo’l taq ri uterne’xik ri uta’ik xuquje’ ri taq rajawaxik kakib’an ri wnaq ri kek’amow b’i pa le b’eyal rech katz’ib’axik pa wuj ri’, are wa’ uterne’xik ri’:
Nab’e ub’anikil: Tz’ib’anib’al pa kematz’ib’alil
Rajawaxik kakitz’ib’aj kib’ pa le k’olib’al kematz’ib’alil rech kakiwinaqirisaj jun kib’i’al, kakitz’aqatisaj ri taq tzij tz’onom ta’om, xuquje’ ka’ te ri’ kakitzukuj ri utzijol ri tz’onob’al rech opanem pa solinik.
Ukab’ ub’anikil: Uta’ik ulanem
Chak’utu jachi ri winaq tz’apilik (PPL) ri kasolixik rumal jun alaj alaj alaj ala, q’apoj winaq, xuquje’ chatz’ib’al ronojel ri tzij tz’onom pa jujun taq k’olib’al rech kamaj ri tz’onob’al.
Urox ub’anikil: Kitzijol ri winaq e’ula’
Chatz’ib’aj ri kitzijol ri taq alitom, taq ab’om xuquje’ ri q’apojib’, jach ri kachalalil ri e k’amal b’e, ri e achi’lanel ri kek’oji pa le ch’ab’enik pa le rachoch ri japache’ tz’apib’al ri taqal chi ke.
Ukaj ub’anikil: Rilik jikomal taq wuj
Chaya’ b’ik le wuj ri kuk’utu chi achalaxik awib’ ruk’ le winaq tz’apilik ri kawaj katb’e chi rilik, pa taq le kajib’ uwach achalaxik ya’om q’ij che, xuquje’ chatz’ib’al ronojel tzij ri kata’ik pa we k’olib’al ri’.
Uro’ ub’anikil: Usolixik xuquje’ ya’tal kitaqik
Ri ajchakib’ rech ri nimatinamit rech ri DGSP kakil na ri tz’ib’am tz’onow rech kasolixik, rech kkailo we tz’aqat ri taq wuj xuquje’ ri taqanik ri tz’ib’alm pa le q’atb’al tzij ri tajin kakoj pa we q’ij kimik.
Uwaq ub’anikil: Chajim okem xuquje’ elem
Are chi’ kq’atixik ri tzonob’al wuj, rajawaxik keb’e pa le k’olib’al rech tz’apital winaq ri taqal chi ke, rech katz’aqaisax ri chajinem chi rij ri k’utb’al wuj rech ri winaqilal, ri tz’ib’anib’al xuquje’ ri retalil ri ch’akulaj ri taqom ukojik rech ri ke’solix ri taq ali, taq ala, ri e q’apojib’ k’ajolab’.
Pa le ab’i’al awinaqirisam, kuya’o kilitaj ri ub’eyal ri chak toq’im ub’anik, katz’aqatisax ri k’o rajawaxik uchomarisaxik, kab’an ri suk’umaxik xuquje’ kachajix ri uq’axexik rech k’o utzilal. Xuquje’ eri e’ajchoq’e’il rajawaxik kakitaqej ri tzijol kataq b’i pa le taqonem tzij correo electrónico ri xya kanoq pa we b’eyal chak ri’.
¿Jas kab’an che ub’anik ri retal uwi’ q’ab’aj?
Are chi’ ya’om chik ri uya’ik ub’e rech ri solinik, rajawaxik katz’aqatisax ri uya’ik retal ri b’i’aj ruk’ri resaxik kiwachib’al uwi’kaqab’ ri nan tat, ri chajinem winaq xuquje’ ri ak’alab’ xuquje’ ri k’ajolab’ (NNA), nab’e chi uwch ri nab’e kisolixik pa jun rachoch japache’ tz’apib’al winaq ri’. We chak ri’ man k’ot rajil katojik xuquje’ rajawaxik pa winaqil kab’an wi xuquje’ xa jun mul. Ruk’ wa’ kakowirisax ri uchajixik ri ojem pa taq ri tz’apib’al winaq rech ri amaq’ tinamit.
Pa we taqanik ri’, konojel ri ajchakib’ rech ri tiamit che ke’ilow ri tz’ib’anem rech k’utb’al winaqil xuquje’ ri chajinik pa taq ri rachoch japache’ tz’apib’alil, rajawaxik kakiya’o, pa taq waqib’ ik’, ri wuj k’utb’al esam rumal ri Nima Tz’ib’ab’al rech ri Ajb’anol K’ax pa K’aslmal (RENAS), chi uwach ri k’olib’al chak rech ri ilom winaqil rech ajchakib’ che kajwatajik.
Eri DGSP kub’an na ri chomanik ruk’ ri molaj ajchajkib’ rech ri Ministerio rech Gobernación (MINGOB), ri K’olib’al Tz’ib’anem Kib’i’ Kitzijiol Winaqib’ pa Amaq’ ub’i’ (RENAP) xuquje’ ri Nimalaj Moloj Tob’anel rech ri Amaq’ (PGN), rech kuya’o uchuq’ab’ ri utzilaj chak rech ri kematz’ib’alil xuquje’ ri chajinem pa rachoch taq japache’ tz’apib’al winaq pa tinamit.