Ri Amaq’ Iximulew xuquje’ ri Amaq’ Uruguay, rumal ri Nima Chak rech Tob’anik pa Qajb’al Kaqiq’ (Cooperación Sur-Sur), xkimol kib’ xkiya’o uchuq’ab’ ri kichak ri komon taq moloj pa uwi’ ri chajinem pa taq nimab’e. We tob’anik ri’ rech eta’manik xuquje’ katob’an che uya’ik uchuq’ab’ ri na’oj rech uq’atexik k’axk’olil, xuquje’ rech kutzirisaj uwach  xuquje’ rech ub’anik taq taqanik rech amaq’ tinamit rech kuya’o chajinem chi ke ri winaq keb’in pa taq nimab’e xuquje’ rech uq’atexik ri k’axk’olil pa taq ri nimab’e pa ronojel ri qamaq’ qatinamit.

Xmajtaj loq k’a pa b’elejeb’ q’ij rech ri ik’ noviembre ri xq’axik, e b’anom chik ri moloj ib’ rech tzijonem, tijonik xuquje’ riqow ib’, kuk’ ri e’ajno’jab’ xuquje’ ri e’ajchak rech ri tinamti rech ri keb’ nimaq’ij amaq’ tinamit. Ri e’are k’ut kiq’axem chi kixo’l ri kino’jib’al, ri utzalaj taq chak xuquje’ ri keta’mab’al pa uwi’ ri tijonik, ri ub’anikil chak xuquje’ ri chajinem pa taq ri nimab’e. Xuquje’, xk’ut chi kuwach ri winaq ri b’eyal chak ri b’anom ri’ rech uq’atexik xuquje’ uqasaxik ri riqon k’axk’olil kumal taq ri e b’insam ch’ich’ pa taq nimab’e. We taq chak ri’ k’a pa q’ij viernes oxlajuj q’ij rech ri ik’ noviembre kek’is ub’anik ri’.

Utob’anik taqawokajil

Xopan pa le ub’eyal ri tijob’enik le jun k’ak’ cholchak ub’i’ Proyecto Sur-Sur, eri ministro rech Gobernación, a Marco Antonio Villeda, ri xuya’o uq’ij ri chak xuquje’ ri k’ulmataj uchak ri ukomon ri Departamento rech Tránsito rech ri Wokajil Ajchajil Tinamit (DT-PNC) rech uterne’xik ya’ik uchuq’ab’ ri utz chajinem pa taq nimab’e. “ Eri jalonem pa taq le komon chak, karaj uk’amol ub’e, rech kuterne’j ub’anikil, xuquje’ kub’an pa saqilal le rilik taq le chak che ri kaqaj kaqariqo ub’anik”, kacha’ ri are’.

Xuquje’ sib’alaj xub’ij che we jun chak ri’ k’o jun nim upatanib’al rech katerne’x uya’ik uchuq’ab’ kumal taq ri taqawokajil pa tinamit xuquje’ rech ub’anik utz ri chak rech kepatanexik ri winaqilal. Xuquje’ eri Ministro a Villeda xub’ij chik che ri tob’anik rech naj taq tinamit ri’, kub’ano rech kaqak’am uchuq’ab’ taq eta’mab’al xuquje’ rech kaqab’an utz chech taq ri chakub’al rech qastzij b’a’ kaqachajij ri winaqil ri keb’in pa taq ri nimab’e pa tinamit.

“Eri utzilaj uchakuxik we jun chak ri’, man xaq ta rumal ri’ ri kajilab’al winaq, xane’ rumal ri k’o kichuq’ab’ rech kakik’ex ri eta’manik pa taq utzilaj chak rech uq’atexik ri k’axk’olil. Rajawaxik chi we taq tijonik ri’ kek’oji che utzilaj taq chomanik chak ri sib’alaj k’o nim upatan xuquje’ ri utzilaj taq k’utb’al rech ri’ ri kojkowon che rilik. Are b’a’ ri utzilaj taq q’ij ri chak ri’ chqaj b’a’ pa taq ri nimab’e pa uxo’l xuquje’ pa taq ri nimab’e pa Iximulew”, xub’ij ruk’ nimalaj ch’ab’alil ri nimapatanel rech ri Taqawokajnem rech Taqon Chajinem pa Amaq’.

Komon tob’anik chi kixo’l taq keb’ amaq’ib’

Pa uwi’ wa’, eri nima ajtz’ib’ rech ri Komon K’amal B’e rech ri Taqawokaj Chajinem pa taq Nimab’e (UNASEV), al María Fernanda Artagaveytia, xub’ij ch eri chajinem pa taq nimab’e man kuya’ taj kab’an xaq pa jun komon patan, xane’ are rajawaxik ri kitob’anik jalajoj taq komon patan rech ri q’atb’al tzij, jacha’ ri wokaj ajchajinelab’, ri taqawokaj tijonik, ri taqawokaj ajb’anol utzwachil, xuquje’ konojel ri winaqilal ri’.

Xub’ij chik che we taq moloj ib’ rech trob’anik ri’ are kub’ano rech kanimarik ri achilanik, rech kaqilo jas ri k’axk’olil k’o chaqawach qonojel xuquje’ rech kaqawinaqirisaj ri eta’manik ri kakanaj kan kanoq sib’alaj pa amaq’el rech pa jun solinik on xa’ pa jun cholchak ub’anikil rech jun q’ijk ri’. “Eri q’ij rech chak ri’ chi ok b’a’ pa jun k’olib’em rech utzilaj tzionem, rech eta’manik chaqawach qonojel xuquje’ rech ub’anik utzilaj taq b’e rech kaqaterne’j le qachak ri’ pa junam”; xub’ij ri Ajtz’ib’ K’amal B’e al Artagaveytia ri’.