Eri Ajchajinelab’ rech ri Tinamit (PNC) xkimaj jun k’ak’ cholchak rech chajinem pa kaqiq’ ruk’ taq k’ak’ xik’anel ch’ich’ (drones) pa job’ k’olib’al rech ri nimatinamit, ruk’ utaqixik ya’ik uchuq’ab’ ri kichajixik ri winaqil, uq’atexik taq ri makaj xuquje’ rech nab’e kanimax ri utz taq b’anob’al q’ateb’al ajb’anol k’ax. We cholchak ri’ k’o na uchuq’ab’ pa uk’isb’al we junab’ ri’.
Ruk’ wa’ taq k’ak’ tob’ach’ich’rech ilob’al ri’, eri rajchajinelab’ ri División rech Operaciones Conjuntas kekib’an ub’insaxik rilik pa le q’ij ri’ ri winaq ri man utz taj kekib’ano, xuquje’ rech keq’atexik ri elaq’omab’ re keb’in chi rij taq kejach’ich’, jeeri’ ri k’axk’olil kab’an ruk’ taq k’aqb’al q’aq’. Are chi’ kakilo che k’o jun k’axk’olil kab’anik, eri e’ajchak pa le tob’ach’ich’ ri’ aninaq kekib’ij apan chi ke ri nik’aj chik ajchajinelab’ ri e k’o pa ulew rech aninaq ke’opon che to’nik.
Utzilaj taq k’isb’al chak
Eri utzilaj rech ri chalub’al ri’ xq’alajin chik are chi’ xchap jun achi ri 25 ujunab’ pa le nimab’e ub’i’ calzada Roosevelt xuquje’ 2a. avenida, pa le wuqub’ molaj k’olib’al (zona 7) rech ri nimalaj tinamit, kab’ixik chi xumaj ri uch’a’wib’al pa ch’a’web’al reqam ruk’ jun ixoqib’ 71 ujunab’. Jas ri xkib’ij ri ajchajinelab’ rech ri PNC, ri e’ajk’amol kib’e ri tob’ach’ich’ kerapan pa kaqiq’ xkitaqej ri achi are chi’ xraj xkanimajik pa jun k’olib’al chech ri chajinem, ri xkiya utzijol chi ke ri ri ajchajinelab’ e k’o cho ri ulew, ri e’are k’ut xechapowik. Eri ixoq ri xriqow ri k’ax xuya ub’ixik ri k’ax xuk’ulmaj xuquje’ xuch’ob’ ri uch’a’wib’al ri xk’utun chik.
Are chi’ xb’antaj ri chajinik pa le kaj, eri ajchajinelab’ keb’inik k’a pa El Trébol k’a pa ri k’olb’al rech El Tecolote xuquje’ pa le nimab’e calzada San Juan, zona 7. Xuquje’ ketajin pa amaq’el che chajinik k’a pa le nimab’e rech El Trébol k’a pa Molino de las Flores xuquje’ pa le kilómetro 14, ri kb’e pa le nimab’e Roosevelt, rech kilitajik we k’o k’ax on jalajoj ub’anik ri kib’inik ri ch’ich’ e b’insam rech kaya’ utzijol chi ke ri q’atb’al tzij.
Eri b’anolib’al ri’ xuquje’ rech kekojik che ri chajinem pa le kilómetro 16 rech ri nimab’e kab’e pa El Salvador. Emuwa’ pa le nimab’e ruta Interamericana, pa juyub’alil rech Chimaltenango, Baja Verapaz xuquje’ Alta Verapaz, chi la’ katajin wi ilonik xuquje’ chajinem rech q’ateb’al taq ri k’ax makaj xuquje’ ri nim chajinem kumal ajchajil tinamit,
Ruk’ le jun cholchak ri’, eri PNC kukoj k’ak’ taq chakub’al rech eta’mab’al pa le chak rech q’ateb’al k’ax xuquje’ ri chajinem, rech kanimarisax ukowonem chech rilik ronojel, rech nab’ejsam rilik ri k’axk’olil xuquje’ ri tob’anik chi uwach taq ri k’axk’olil ri kuya k’ax chech ri kub’sib’al k’u’x chi ke ri winaqil pa tinamit.