Eri reqa’lenel antinarcóticos, k’o jun narco jet xuquje’ wuqub’ ch’ich’ xkiraqo pa San Andrés, Petén ri’ are wa’ awan kunb’alil qas nim xraqataj pa we junab’ 2020 ri’, jeri’ utzijol xkiya’ loq ri q’atb’altzij rech ri Subdirección General rech Análisis xuquje’ Información Antinarcótica (SGAIA-PNC) ri’.
Eri 1,700 chi pisb’al k’o Cocaína chi upam xraqatajik, pa jun nim tzukunem kumal ri Wokajil Ajchajil Amaq’ Iximulew ri pa aninaqil ruk’ ri PNC xuquje’ ruk’ rajchak ri Ministerio Público xraqataj kumal.
Sib’alaj katajin kaq’atexik ri nik’aj narcotraficantes kumal ri wokajil ajchajil tinamit pa we amaq’ rumal ri’ aretaq xkanij kib’ k’o retal kib’e xkiya’ kanoq chi’ k’u ri’ xraqataj wi loq mochila ruk’ Marihuana, 12 raqarik k’aqb’alil, jun koxtar ruk’ 39 uk’olib’al ub’aq’ raqarik k’aqb’al, 11 mochilas, waqib’ q’axaltzij rech eqam ub’i’ (walkie talkies), ruk’ nik’aj kuwujil winaq ri’,jun ch’awib’al k’o ujek’ib’al xuquje’ ruk’ jun chik ri’.
Eri q’atb’altzij xkib’ij ri’ eri jun narco jet ri’ xya’ kanoq rech kachajixik kumal e ajchajil tinamit kuk’ ri e ajchajil amaq’ rech San Andrés, Petén, eri jo’ob’ ch’ich’ ri’ xek’am b’i pa rachoch k’olib’al ri wokajil ajchajil tinamit rech Narcoactividad ri’ xuquje’ eri keb’ ch’ich’ chik are xetulisax kanoq chi’, rumal k’ut man utz kiranch’ich’ rech keb’inisax tane’, are wa’ jun pick- up Marca Nissan, raj rij eri uplacas are P643DZQ ruk’ jun pick Up marca Toyota, are Hi Lux, xar rij maj uplacas ri’.
Sib’alaj k’o katajin na rilik chi’ pa le uk’olib’al ri Comando Aéreo del Norte pa Santa Elena, Petén, xuquje’ eri wokajil ajchajil tinamit ruk’ ri MP ketajin che na utzukuxik uwach ri’, eri awan kunb’alil xraqatajik kab’ixik k’o Q.198 millones rajil ri xraqataj ri’.