Eri Wokajil Ajchajin Tinamit (PNC), pa kemonchak ruk’ ri Wokaj Ajchajin Amaq’ Iximulew xuquje’ ruk’ ri Policía Municipal rech ri uk’u’x nimatinamit Iximulew, xkib’an k’ilaj puqtzukunem pa kemonchak pa taqawokajilal pa taq k’olib’alil rech ri uk’u’x nimatinamit ri xkiriq loq ri xkesaj 24 chi esal rachib’al ri videovigilancia kojom kumal nik’aj molaj b’anol k’ax.
Eri puqtzukunem ri’ are la’ xkib’an pa le barrio El Gallito, zona 3, xuquje’ pa le colonia Reyna Barrios, zona 13 ri’. Chi rij ri’ eri wokajil ajchajin tinamit xkib’ij, pa El Gallito ri’ xesax wi loq 14 chi esal rachib’al chajinem kumal b’anol k’ax, ruk’ jun kaxon k’olib’al uchokosanb’al taq. Eri tzukno’jchak xb’an chi rij xuq’alajisaj ub’ixik ri’ che ri kemechakub’al ri’ are la’ kojom chi la’ kumal uwinaqil ri jun Mara Salvatrucha rech kachajim kiwa’tik ri winaqil kuk’ ri q’atb’al tzij chi la’ k’ut. Pa le puqtzukunem chi la’ k’ut xuquje’ k’o jun b’insal ch’ich’ eleq’am b’i xriqitaj loq.
Pa le utzijolil xb’an ri’, xb’ixik che ri q’atb’al tzij k’o 10 chi esal rachib’al awam chajinem xkesaj loq chi la’ k’ut pa le colonia Reyna Barrios, zona 13 ri’. Ruk’ wa’ kutun rib’ ruk’ ri job’ chi esal taq rachib’al awam chajinik ri riqom ri xesax loq iwir pa le barrio Santa Mónica rech ri zona 18 ri’.
Eri PNC xuya ub’ixik ri’ che ri puqtzunem ri’ are la’ uwach ri cholchajinem ub’i’ Plan Centinela Metropolitano, xb’antaj pa le uq’atexik taq ri b’anoj k’ax xuquje’ ri molaj taq e’ajb’anol k’ax kamisanik ri’. rumal ri’ sib’alaj xya’ ub’ixik chi ke ri winaqilal che rajawaxik are la’ kakiya loq utzijol ub’ixik pa le 110, pa le 1561 ri’, are pa awalik ub’itajik loq.