Eri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) xkiya utzijol che xkichap loq jun winaq ri taqom uchapik rech kataq b’i pa q’atow tzij chi rij pa Estado Unidos, pa jun puqtzukunem antinarcótico ri xb’an pa le rulewal uq’ab’ tinamit rech Malacatán, San Marcos ri’.
Le puqtzukunem xb’an kumal ri e’ajchajin tinamit chi la’ pa le 5ta calle 9-68 rech ri cantón Barrios, chi la’ k’ut che ri xchap wi loq a Manuel Ignacio “N”, ri ukojomb’i’aj “Nacho”, 50 ujunab’, aj iximulew rare’, ri taqom uchapik loq kumal q’atb’al tzij e estadounidense rumal eri umak k’o ruk’ ri narcotráfico ri’.
E rare’ xchapik, rumal k’o cocaína cub’ano xupoq’saj uwach, pane’ b’a’ reta’m xutaq b’i pa k’ayinem pa Estados Unidos ri’. Ri xub’an ri’ ri xutaq b’i pa uk’ayixik chi la’, are la’ pa awalik xutaq b’i pa le nimatinamit sib’alaj kariqitaj naj.
Eri q’atb’al tzij xkib’ij che ri puqtzukunem chi rij, are la’ uwach katajinik rech pa le uq’atexik taq ub’anikil ri narcoactividad ri’. Pawe q’ij ri’ e k’o chik 24 e chapom b’i rumal jalajoj ri kimak kib’anom.
Eri PNC sib’alaj kub’ij che are wa’ ri chak katajin ub’anik rumal, rech uya’ik nim uchuq’ab’ ub’anikil puqtzukunem rech uq’atexik taq ri molaj e’ajb’anol k’ax.