Pa uterne’xik uq’alajisaxik ri b’iw ub’ixik loq kumal ri winaqil ri’, eri rajtzukunelab’ le Departamento rech Delitos kub’an k’ax che ri Kik’aslemal Winaq ri’ uq’ab’ le División Especializada rech Investigación Criminal ri’ rech ri Wokaj Ajchajin Tinamit ub’i’ (PNC) ruk’ taq utob’anik ri Wokajil Ajchajin Amaq’ Tinamit Iximulew, xkib’an k’ut jun puqtzukunem pa le aldea Lo de Rodríguez xuque’ pa le barrio Santa Mónica, zona 18 ri’, chi la’ k’ut xkikoj wi job’ esal rachib’al le videovigilancia ri’ xuquje’ ri jun DVR.
Eri jupuq chi esal rachib’al chajinik ri’ are xkoj kumal nik’aj uwinaqil ri jun Pandilla rech ri Barrio 18 ri’ rech xkib’an ri rilik ri k’olib’em chi la’ xuquje’ rech xkib’an le kilik kib’inb’alil ri winaqil keriqitaj chi la’ k’ut.
Are ri’ ri xesax chi la’ pa le 24 rech febrero kanoq xuquje’ e b’elejeb’ chi esal rachib’al taq le videovigilancia chi la’ pa le colonia Jesús de la Buena Esperanza ri’ xuquje’ pa le barrio San Antonio, zona 6, rech xkoj chi la’ kumal nik’aj molaj b’anol k’ax ri’.
Eri resaxik xb’anik are uwach ri cholchak ub’i’ Plan Centinela Metropolitano ri’.
Eri q’atb’al tzij sib’alaj xkitaqchi’j le winaq chi la’ rech kakiya loq ub’ixik pa taq le 110 pa le 1561, rech pa awalik k’o ri kakib’ij loq.