Eri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) xub’ij che k’o 54 che eqa’n rech awan kumb’alil xraqataj ri’.
Eri b’anoj tzukunem kumal ri e ajchajil tinamit ruk’ ri reqa’lenel ri Wokajil Ajchajil Amaq’ pa le asentamiento la Bronca, k’o pa le juyub’ tinamit rech San Andrès rech pa le rulewal rech ri Petèn, chi’ k’u ri’ xeraqataj wi loq e lajuj chi winaqil aretaq ketajin che ub’ilixik ri awan kumb’alil ri’.
Eri xechapataj loq e are ri’ a José Nery Amado Solís, DPI 1980 76827 1707, 34 ujunab’, eri are aj iximulew, a David Bernal Quiñonez, ri maj uwuj reqam ri’, 33 ujunab’ aj iximulew, a Elvin López Duarte maj uwuj reqam, 26 ujunab’, aj iximulew, a Edwin Orlando Ramos, 22 ujunab’ aj iximulew, aj iximulew, a Juan Gilberto Suv Coc, 20 ujunab’, aj iximulew, a Heber Eroldani Heredia Padilla, man k’ot uwuj reqam, 30 ujunab’, aj iximulew, a Heraldo Portillo Reyes, Dpi 2212 23142 2212, 35 ujunab’, aj iximulew, a Carlos Véliz Polanco, 48 ujunab’, aj iximulew, xuquje’ a Emilio Pop, maj uwuj reqam, 50 ujunab’, aj iximulew, ri xek’am b’i pa jun xik’ch’ich’ ri’, sakom che k’aqb’al pa uwi uteleb’ pa umox xuauje’ che raqan rech uwi’kaq’ab’, sib’alaj e chajitalik xek’am b’i ri’.
Chi ke ri xechapataj ri’ k’o jun k’aqb’alil marca Jerichó No. 34306235 xraqataj kuk’ xuquje’ are wa’ katajin b’anoj tzukunem chi rij ri’ rech karaq na k’i utzijolil na ri’.