Eri kaq’atexik ri narcotráfico ri’ katajin che uq’atexik ri awan kunb’al. Pa leb’ tzukunem xb’an kumal rajchajinelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC), xkiriq jastaq oqxa’nib’al ruk’ marihuana ri’, eri awan kunb’al are xq’atexik rech kopan pa tinamit kuk’ ri winaqil rech kajach pa amaq’ tinamit.
Pa le tzukunem ri’ k’o jun ch’ich’ reqam oqxa’nib’al xchap pa le Puesto rech Control Interinstitucional (PCI), k’o pa le kilómetro 75.4 nimab’e Interamericana ri’, pa juyub’al rech Patzicía, Chimaltenango, xb’an wi ri nab’e riqonem 30 chi ch’uti’n k’olib’al rech kejeke’x b’i ruk’ marihuana ri’. Eri jastaq kub’al ri’ keri kapajanik 8 onzas chi jujunal ri’, pa ronojel k’o 240 chi rajlib’al ri’.
Eri ukab’ riqon awan kunb’al ri’ k’o 3.6 chi kilogramos ruk’ marihuana, are riqom pa jun jastaq oqxa’nib’al upetik, loq pa Estados Undiso rech América ri’. Ri xriqitaj ri’ pa tzukunem xb’an pa jun jastaq rech oqxa’nib’al pa le zona 13 rech uk’u’x nimatinamit, kumal ri jun binomio K-9, are jun k’amal b’e ruk’ ri tz’i’ eqa’lenel ri xuq’alajisaj chi kuwach ri wokajil antinarcóticas ri’.
Pa le k’olib’al ri’ che ri xriqik xq’alajinik, chi are ri marihuana ri’. Eri tzukunem chirij ri’ kub’ik che ri keb’ riqon awan jastaq ri’ are xmajtaj kachapik nik’aj e’ajb’anol rech ri’.
Eri kemonchak pa taqawokajil ri’ kumal ri wokajil ajchajin tinamit kuk’ ri’ wokaj ajchajin Amaq’ Iximulew, kuk’ ri Superintendencia rech Administración Tributaria (SAT), xekowon che b’anik ri chajinem ri’ rech uq’atexik taq ri narcotráfico, ruk’ ri nik’aj chik b’anow k’ax kab’an pa taq amaq’ib’ ri kab’an pa uwachulew amaq’ tinamit ri’.