Ri k’ak’ rachoch ri PNC ri’ kuya uchuq’ab’ ub’anik ri chajinem ri ilonik chi ke ri winaqilal pa San José Acatempa, chike ri kemon winaqilal ri’ ri keb’inik ri kewa’katik pa taq le nimab’e interamericana ri’.
Le nimaja ri’ naj xk’oji chi la’ xtolon pa amaq’el xk’oji chi la’, pawe q’ij kimik are kakoj che jun upatan rech kak’oji che chajinem pa tinamit rech San José Acatempa, Jutiapa. Eri tinamit ri’ k’o pa le kilómetro 87 rech ri nimab’e CA-1 Oriente ri’, chi la’ xjaq wi rachoch ri Subestación 21-6-2 rech ri Wokajil Ajchajin Tinamit (PNC), rech kataqixik uya’ik ri uchuq’ab’ ri chajinem chi la’, ri ilonem pa nimab’e xuquje’ ri b’anow kachajixik ri winaqil rech ri uq’ab’ tinamit ri’ xuquje’ pa nik’aj chik e apanoq.
Ri rachoch chajinem ri’ k’o pa jun rokib’al ri tinamit ri’, chi la’ che ri qas keq’ax wi ri b’insam ch’ich’ kumal taq winaq pa amaq’el, ri e k’o wi e k’ilaj taq k’ayib’al, ri keq’ax wi rech e’ajwa’katelab’ xuquje’ ri ch’ich’ rech ereb’al winaq. Eri kariqitaj wi are rech naj taj kak’oji wi ri chajinem kunam ri ajchajin tinamit xuquje’ rech pa aninaqil kab’an ri ilonem chajineik chi la’ k’ut.
Eri uq’ab’ rachich tijonem ri’ rech ke’uq’i’o kek’oji e 16 chi rajchajinelab’ ri PNC, ri kak’oji chi naqaj ri winaqilal rech kub’an ri q’ateb’al ri k’ax ri’, ri chajinem xuquje’ ri ilonem chi ke taq ri winaqilal. Eri kak’oji ri ajchajinelab’ ch la’ are rech ketob’an pa nimab’e ri’ rech kakito’o ri winaq kewa’katik pa nimab’e, chi ke ri ajb’insal ch’ich’, ri e wa’katelab’, ri e’ajk’ayinelab’, ri e’ajtijoxel xuquje’ ri winaqilal che ri keq’ax ronojel q’ij chi la’ ri keb’e pa taq ri kachak.
Chak pa taqawokajil
Eri usuk’ub’axik ri jun achochib’al ri maj winaq k’o chi upam chi la’, pawe q’ij kimik are chik rech kechexik rech kakoj che upatan pa amaq’el rech jun chak nimanem pa tinamit ri’.
Ri jaqib’al uwach rumal le ministro rech Gobernación ri’, Marco Antonio Villeda, achb’ilam rumal ri viceministro rech Seguridad, Roberto Solórzano; rumal ri nab’e rajconsejal ri Municipalidad rech San José Acatempa, Donald Isaac Medrano, xuquje’ rumal rajk’amal ub’e ri PNC, David Custodio Boteo ri’.
Pa le utzij xub’an chi’, le Ministro Villeda sib’alaj xub’ij chi k’o nim upatanib’al ri b’anow chajinem ri’ ruk’ kiwa’lijsab’al kiwach taq ri winaqilal pa tinamit ri’, qas chi la’ k’ut che ri nimab’e ri’ k’o jun nim upatanib’al kub’an pa le b’anow poq’san chak meb’il pa taq tinamit ri’.
“Are tab’a’ ri rachoch chajib’al ri’ katob’anik pa chi la’ k’ut ruk’ ri chajinem ri’, rech b’a’ eri nimab’e are b’a’ rech kupetisaj ub’anik ri chak, ri k’ayinem xuquje’ rech jun nim eyeb’al ri’ xuquje’ eri kak’oji ri PNC chi la’ are rech tab’a’ kuchajij ri nimab’e rech kub’an uchajixik tab’a’ ri b’anikil pa chuwe’q kab’ij pa Iximulew”, xcha’.
Jachatil ub’anik ri chajinem
Eri k’ak’rachoch chajinem ri’ are kub’an ri’ rech pa amaq’el naqaj chik kek’oji ri e’ajchajin tinamit chi la’ pa Jutiapa, che ri qas keq’ax wi ri winaqilal ri jastaq k’ayib’al are b’a’ kuki’kotisaj chi la’ ronojel q’ij. Ruk’ wa’, are kab’an utzukuxik ya’ik uchuq’ab’ ri kib’anikil ri winaq, ri e’ajtiko’ninel, ri e’ajk’ayinelab’ kuk’ ri e’ajb’insaxel pa nimab’e chi la’ k’ut rech e chajim ri’.
Eri ujaqik ri k’olib’al chajinem ri’ are kuk’utu chi k’o nim upatanib’al ri b’anow kemonchak pa taqawokajil ri’ rech kechexik ri jastaq k’o chi la’ xuquje’ rech are kakoj pa amaq’el ri ja jastaq kojom taj k’o chi la’ are rech kakojik pa le kachajixik ri winaqil chi la’. K’a chi la’ k’ut, eri PNC kuya uchuq’ab’ ri q’ateb’al k’ax, rech pa aninaqil ke’uto’o ri winaq keq’ax pa nimab’e ri’.
Rumal ri’, eri kopanib’al ri ajchajin tinamit pa le kilómetro 87 rech ri nimab’e CA-1 Oriente ri’ man xaq ta ri’rech tane’ kak’oji ri e’ajchajin tinamit chi la’, xane’ are rech kunimarisaj ri chajinem pa taq ri k’olib’alil chi la’ pa tinamit San José Acatempa, rech naqaj kak’oji che b’anow chajinem chi ke ri winaq keriqitaj chi la’, ri kechakun chi la’ xuquje’ ri keb’iknik kewa’kat chi la’ pa uq’ab’ tinamit.