Eri reqa’lenel ri División Nacional rech Q’atenik taq Pandillas (Dipanda), ruk’ utob’anik ri Fiscalía rech Q’atenik ri Extorsión rech ri Ministerio Público kamik xkib’an jun tzukunem pa le Rachoch ri Japache’ Tz’apib’al kech Ixoqib’ Santa Teresa, zona 18 rech nimatinamit, chi la’ k’ut xriqitaj wi k’i taq jastaq k’o q’atb’al tzij chi rij.
Pa le solinem xb’an pa le rachoch japache’ ri’ xriq wi juk’al waqib’ chi ch’aweb’alil, oxlajun chi ramib’al, kab’lajuj chi kolob’ch’ich’ USB, b’elejeb’ yab’al uq’a’il ch’a’web’al, job’ chi puch’b’al, kajib’ tarjetas SIM, jun resab’al marihuana xuquje’ Q21 mil 981 chi pwaqil ri’. xuquje’ e k’o waqib’ winaq e tz’apilik xek’am b’i pa q’atb’al tzij rumal xriqitaj ch’a’wib’alil kuk’.
Eri b’anoj tzukunem ri’ are xb’anik are chi’ xk’ul panoq jun ub’ixik rumal winaq pa le 1561 rech Crime Stoppers Guatemala, rumal k’ut are wa’ k’o nim upatanib’al pa le b’anoj kichak ri wokajil ajchajil tinamit kuk’ ri winaqilal pa le kaq’atexik ri toq’inem pwaq pa ronojel rulewal tinamit aj iximulew.
Ruk’ ri q’atenik ri’ tajin ya’ik uchuq’ab’ ri chajinem taqom ub’anim rumal ri Taqawokaj Amaq’ Iximulew pa reqele’n uchak ri Ministerio rech Gobernación (Mingob) rech uq’atexik ri jastaq k’o q’atb’al tzij chi rij we ko’k loq pa rachoch taq ri japache’ tz’apib’al rech Iximulew.