E k’o keb’ winaq xechapataj loq kumal reqa’lenel ri Wokajil Ajq’atinel Pandillas (DIPANDA), rech ri Wokajil Ajchajil Tinamit, aretaq e b’enaq che uk’amik jun pwaqil kitoq’im ri’ pa le Calzada San Juan, Colonia Nueva Montserrat zona 3 rech Mixco ri’.

Eri xechapatajik e are k’ut: jun ixoq ub’i’ Keily Elisabeth Barrios Meléndez 26 ujunab’, jun achi ub’i’ , Kenneth Andersson Montes Maravilla 25 ujunab’, aretaq e k’o che uk’amik jun pisob’al b’anom che k’o Q. 3,000.00 pwaq chi upam ri’, eri pwaq ri’ are sib’alaj xkitoq’ij ruk’ ub’ixik che kakikamisaj ri uj ajk’ay pa le Aldea Lo de Fuentes zona 11 rech Mixco, we man ujach ta ri’.

Kuk’ nik’aj b’anol k’ax ri’ xraqataj jun pisob’al b’anom che k’ot ne’ ri pwaq che ri xkitoq’ij, ruk’ keb’ chi ch’a’wib’al xuquje’ jun kejch’ich’ ri utaretal rech kab’inisaxik are M171GLY, are ri ub’inisam ri’.
Eri xechapatajik ri’ e uwinaqil ri jun Clicla Black Demon rech ri Mara Salvatruchas. Rumal ri’ xek’am b’i pa Q’atb’altzij rech Mixco ri’.