Eri jun achi ub’i’ Carlos Obel García Castillo 50 ujunab’, utukel, ajk’ay, aj winaq chi la’ pa tinamit rech Chiquimulilla, rech ri Rulewal Tinamit Santa Rosa ri’ xchapataj loq kumal reqa’lenel ri Wokajil Ajchajinel K’ache’laj (DIPRONA) ri’ rech ri Wokajil Ajchajil Tinamit (PNC) rumal reqam b’i usaqmo’l ri kok rech kuk’ayij maj pa usaqil ri’.
Eri are xriqitaj kumal ajchajinelab’ rech ri q’atb’altzij ajchajil tinamit ri’ rech ri Región Sur Oriente rech ri Consejo Nacional rech Áreas Protegidas (CONAP) chi’ xesik’ix wi loq ri reqa’lenel chajinem chi’ rech xkib’an ri tzukunem chi’ kumal ri ri WCS y CECOM xuquje’ USAC, chi rij wari’ pa le kilómetro 106 nimab’e kab’e pa le aldea Conacaste, rech ri tinamit Iztapa Escuintla ri’.
Pa jun k’olib’em ya’olchajinik ri’ xq’atex wi ri jun ch’ich’, marca Toyota, modelo 2001, chajchoj rij k’i ukunaxik b’anom rij, ri b’inisam rumal ri jun achi xchapataj loq, ri aretaq xsolixik chi rij ri ch’ich’ ri’ xriqitaj wi jun nim k’olib’al rech t’im q’eq rij chi upam k’ut k’o wi ri jun k’olib’al jorob’sab’al saqsoj rilik, chi upam k’ut uk’amom wi b’i 1,513 usaqmo’l kok rech kuk’ayij ri ub’i’ kumal q’inom eta’manelab’ Lepidochelys olivácea ri’.
Eri awajil ri’ are kaq’alajinik pa le urox tasb’al tzijol xuquje’ pa le nab’e ri’, rech ri e cholajisam wi ri awajil che ri katajin usachik kuwach kab’ix LEA che, aretaq xtaq uwujil we xuloq’ ri’ che ri ya’tal rumal ri CONAP, man k’ot uwujil ruk’, rumal k’ut maj pa usaqil kuk’ayij wari’, xchap b’i xk’am b’i pa Q’atb’altzij ri’, rech ri tinamit Escuintla ri’.