Eri rajchajinelab’ ri Subdirección General rech Análisis rech Información Antinarcótica (#SGAIA) rech ri Wokajil Ajchajil Tinamit (PNC) xkichap loq jun achi ub’i’ a Joel “N”, 42 ujunab’, pa le aldea San Francisco, Playa Grande, Ixcán, Quiché, pa unimaxik ri taqanik chi rij rech kichapik kataq b’i pa Estados Unidos ri’.
Eri achi chapom xa’ xtaq loq uchapik rumal ri jun nimaq’atb’al tzij estadounidense rumal ri b’anol k’ayin awan kunb’al chi la’ pa le nimatinamit le’. Wa’ ri umak ri’ tajin katzijox pa le rajilab’al taqanik 959, 960 xuquje’ 964 ri’ rech uk’al jun runimal tzij rech ri Choltaqanik rech ri Estados Unidos.
Are chi’ xchapik, eri rajchajinelanb’ ri PNC xkik’am b’i pa xik’ach’ich’ pa kaqiq’ rech ri Unidad Aérea rech ri Ministerio rech Gobernación pa le uk’u’x nimatinamit rech te k’u ri’ xkiya’o pa uq’ab’ ri q’atb’al tzij ri’, chi la’ k’ut rajawaxik katerne’xik utoq’axik ri q’atb’al tzij chi rij ri’.
Eri b’anob’alil ri’ are uwach taq ri puqtzukunem chajinik che ri tajin ub’anik kumal ri wokajil ajchajil tinamit rech uq’atexik ri narcotráfico xuquje’ rech ya’ik uchuq’ab’ ri tob’anem pa q’atb’al tzij ri’ xuquje’ pa le chajinem pa tinamit.