Pa jun tzukunem xb’an kumal reqa’lenel ri Departamento rech Investigación rech Violencia contra la Mujer, Libertad xuquje’ Indemnidad Sexual ri0 rech ri Wokajil Ajchajil Tinamit (PNC) xuquje’ kumal rajq’atol tzij ri Ministerio Público (MP), pa 11 rech febrero xkichap jun achi kab’ixik xumiqij jun alaj ali pa Mixco, Iximulew ri’.
Eri jun achi ri’, xch’ob’ uwach are ri’ a José Raúl Mejicanos González, 68 ujunab’, ri xchap pa le 5a. calle xuquje’ 18 avenida rech ri zona 8, San Cristóbal, Mixco ri’. Ri are xchapik rumal xumoq’ij jun alaj ali ri xq’alajin pa esab’al rachib’al rech chajinem xuquje’ are la’ xjiipin ub’ixik utzijol pa le redes sociales pa le 9 rech febrero ri’.
Pa le video ri’ kaq’alajin wi ri jun achi xumoq’ij ri alaj ali are chi’ ub’inisam uch’ich’, ruk’ ri placas reqam P 870FSV, pa le zona 7 rech ri uq’ab’ tinamit. Ri achi xreche’j are chi’ ri alaj ali man k’ot kunab’ej, xuchapo, rumal ri’ sib’alaj xepe ri koyowal ri winaqil ri xkib’ij man utz taj ri xub’ano.
Pa le puqchajinem ri’, xriq ri q’alajisab’al rech are la’ qas k’o kupatanij pa le tzukunem tajin chi rij wari’. Rumal ri’ eri e ajchajil tinamit ruk’ ri q’alajisab’al ri’ xkik’utu che are kipatan rech kakichajij ri ak’alab’il e q’apojil, jeri’ rech kakiq’atij ri nik’aj chik b’anoj k’ax pa rulewal tinamit.