Nim uq’atexik ri narcotráfico: Xriqitaj jun chik eqa’n awan kunab’al pa Escuintla

Chaq’ab’ kimik, eri reqa’lenel ri Subdirección General rech Análisis rech Información Antinarcótica (SGAIA) ri’ uq’ab’il ri Wokajil Ajchajil Tinamit (PNC) kuk’ reqa’lenel ri Wokajil Ajchajil Amaq’ Iximulew xb’an kowonem xkiriq qaraj k’o 105 chi pisoj awan kunab’al rech cocaína pa Puerto Quetzal, Escuintla.
Eri xb’antaj ri’ are la’ retal jun nim kaq’atexik nik’aj molaj b’anol k’ax rech ri narcotráfico ri’ che ri xkaj xkimino kib’ pa tinamit ri’.

Eri Ministro rech Gobernación, Francisco Jiménez, sib’alaj xuya ub’ixik che k’o nim upatan ri xb’antaj ri’ xuquje’ sib’alaj xuya utzijol che eri awan kunab’al xriqik are kaq’atexik rech kopan pa kaq’ab’ ri ab’om alitom xuquje’ xub’ij che ri are la’ jun nim k’axk’onem kub’an pa tinamit xuquje’ pa rutzilal ri tinamit.

Eri eqa’n awan kunab’al xriqik are la’ uwach ri utz chakunem xb’an kumal ri Binomio K-9, pa kik’ulajil are ri tz’i’ eqa’lenel Ery, are xuk’ut kariqitaj wi ri awan kunab’alil k’o pa jun kaxonach’ich’ reqam uch’aqap taq ch’ich’. Eri q’atb’al tzij ketaji che utzukuxik uwach uwach ri’ rech kakimol juntir utzijolil xuquje’ kakib’an retaxik rech kilik che are ri awan kunab’al ri’.

Tzukunem pa wokajilal

Are wa’ ri nab’e nim kaq’atexik ri narcotráfico xkib’an ri wokajil ajchajin tinamit chi la’ k’ut. Pa le 9 rech febrero, xb’an kowonem xriq 525 chi pisob’al ruk’ cocaína, k’o 605 upajb’alil ri’, are la’ xriq pa jun kaxonach’ich’ che ri xok loq pa Puerto Quetzal, Escuintla, upetik Costa Rica ri’. Eri awan kunab’al ri’ eri rajil are Q62 millones chi pwaqil ri’.

Are chi’ xriqik, xk’am b’i ri awan kunab’al pa taq xik’ach’ich’ rech ri Unidad Aérea rech ri Ministerio rech Gobernación (Unagob) pa taq ri k’olib’al jastaq rech ri SGAIA rech ri PNC, chi la’ k’ut kakol wi’ rech te k’u ri’ kaporoxik. Are wa’ ri chakunem tajin rumal ri Ministro Jiménez xuquje’ ri Quinto Viceministro rech Antinarcóticos, Werner Ovalle ri’.

Ultimas noticias

Alerta de Corrupción